POLICIA NUK ISHTE KORREKTE DHE NË NIVEL TË DETYRËS

nga **Agim Gashi** Wed Jan 18, 2012 7:33 pm

POLICIA NUK ISHTE KORREKTE DHE NË NIVEL TË DETYRËS

Nga: Prof. Arbër Kastrioti

Kryetari i përgjithshëm i FBKSH-së Prishtinë

POLICIA NUK ISHTE KORREKTE DHE NË NIVEL TË DETYRËS 6

Fronti Bashkimit Kombëtar Shqiptar, dënon dhunën policore të ushtruar ndaj protestuesve të Lëvizjes ” Vetëvendosje”. Qytetarët shqiptar dhe jo vetëm ata patën rastin të shohin skena të dhunës nga më të ndryshmet, madje do të thoshim edhe skena rrëqethëse nga ndërhyrja brutale e Policisë se Kosovës ndaj protestuesve shqiptar ne dy pikat kufitare në Merdar dhe të Dheu i Bardhë. Jemi të bindur se nuk ishte vetëm tejkalim kompetencash nga SHPK-ja, por një demonstrim dhune sikur I qëllimshëm. Veprimi i policisë ndaj qytetarëve të Kosovës është I papranueshëm për anëtarësinë e FBKSH-së. Protestuesit të cilët nëpërmes kësaj proteste shprehin revoltën dhe pakënaqësitë e tyre nuk e kanë merituar “dajakun” e polices, sepse protestat vërtetë ishin paqësore. Shtrohet Puetja: A është Kosova duke u shndërruar në shtet policor? A janë këto pamje vlera të demokracisë? Apo në fakt po sulmohet demokracia në Republikën e Kosovës, madje nga ata që e kanë plotë gojën demokraci. Në praktik e veprimet ” tym i zi ” të policisë janë të papranueshme. Jetojmë në shekullin 21, dhe më nuk mund të fshihet përdorimi i kërbaçit dhe shtypja antinjerëzore e regjimit të një shteti ndaj qytetarëve të vet, këto nuk janë vlera të demokracisë, këto janë shenja të diktaturës shtetërore, të një regjimi policor që sapo ka filluar të lëshoj rrënjë edhe në shtetin e brishtë të Republikës së Kosovës. Kundërshtarët politik duhet të munden në “betejën” dhe vendin e nderit që quhet PARLAMENTI I KOSOVËS, me mjete politike Institucionale
paqësore dhe demokratike, e jo më kërbaç e ambicie pushtetarë. Cili është motivi politik i sjelljes se tillë të Qeverisë së Kosovës? Kjo mund të kuptohet në ketë mënyrë, që askush nga kundërshtarët
politik mos të guxojnë të nxjerrin zë, dhe të kritikoj gabimet dhe të metat e politikës aktuale, media të jenë instrument dhe nën diktatin e qeverisë, pra të ngulfatët fryma e lirë demokratike duke krijuar një regjim modern diktatorial, ndryshe më folë e ndryshe më vepruar. FBKSH, tërheq vërejtjen qeveris aktuale, se nëse nuk bëhet kthim radikal i qasjes dhe zbatimit të politikës duke ju përmbajtur
vërtetë shtyllave të demokracisë ( të njohura për te dhe opinion) vazhdimisht do rritet hendeku i filluar i ndarjes së Qeveris nga populli sovran. Një Qeveri që ndahet nga populli dhe mundohet të sundon popullin, duke e frikësuar, dhe duke demonstruar forcë, ajo qeveri i ka ditët e numëruara, sepse një ditë revolta dhe mllefi i grumbulluar, kur ti bashkëngjitën pakënaqësitë e popullatës për shkak të kushteve të rënda të jetës se tyre patjetër se do të shpërthej, dhe atëherë vaj halli për ne, se për Qeveri as që bëhet fjalë.
Shumë e respektuara kryesi e Lëvizjes së Vetëvendosjes, nuk mund të thuhet se edhe për ju çdo gjë është në rregull! Ju duhet ta zhvendosni aktivitetin e juaj nga rruga në institucione të shtetit, pjesë e së cilës jeni edhe vetë. Rruga nuk zgjedh problem, ajo vetëm mund t’I shtojë problemet.
Qëndrimet e juaja politike në shumë pika neve na bashkon. Ju me politikën tuaj në spektrin politik Shqiptar keni sjellë ” Flladin e Pranverës në kohën kur përcëllon vapa e Gushtit”. Kemi pika që nuk na bashkojnë, nuk mund të pajtohemi më fjalorin brutal dhe mjaft fyes që e përdorni (lexo: shumë nga ju) nuk mund të pajtohemi për marrjen e Vendimeve të shpejta “kapitale” pa bërë analizë të mjaftueshme, se duhet apo nuk duhet në ketë kohë të merren vendime dhe veprime të tilla dhe sa janë të dëmshme ato, cili është efekti negativ dhe pozitiv për Kosovën dhe politikën shqiptare në përgjithësi, për qytetarët e sajë . Me ketë politik bërje vështirë se mund ta bindni sovranin – popullin që të bëjnë ndryshime dhe të zgjedhin më meritorin. Por kjo mbetet për me u pa. Por nëse i referohemi fjalës se urtë popullore: ” I mençuri nga gabimet mëson” ndërsa tjetri shah në veti punon, mbetët te ju të zgjidhni se cila rrugë është më e mirë . Meqë jemi përcaktuar për demokraci, ne ju themi që çdo gjë që shkon në favor të çështjes kombëtare, kërkoni në parlamentin popullor, nga aty lypni zgjedhje që shkon në favor të çështjes kombëtare e qytetare.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30