Spahiu e quan shkarkimin e tij politik

nga **Agim Gashi** Wed Jan 18, 2012 9:44 pm

Spahiu e quan shkarkimin e tij politik

Pak kohë pasi Komisioni i Ligjeve miratoi me votat e maxhorancës kërkesën e deputeteve të PD-së për nisjen e procedurave për hetimin dhe shkarkimin e nënkryetarit të KLD-së, ky i fundit ka deklaruar se do t'i drejtohet Gjykatës Kushtetuese.

Në një reagim publik para mediave, Spahiu bëri me dije se u nxorr me dhunë nga mbledhja e Komisionit të Ligjeve, ku nuk u lejua të lexonte fjalën e përgatitur, ndërkohë që theksoi se po persekutohet politikisht për shkak të ndjenjave patriotike.

Ai ka sqaruar se motivet e shkarkimit të tij janë qartësisht politike, të një pushteti që synon të përdhosë e të mbajë nën kontroll drejtësinë, ndërkohë që argumentet për shkelje të Kushtetutës nga ai, janë thjesht të sajuara e të pabaza.

Komisioni i Ligjeve miratoi shkarkimin e Kreshnik Spahiut

Komisioni i Ligjeve ka miratuar kërkesën e grupit parlamentar të PD-së për të hetuar nënkryetarin e Këshillit të Lartë të Drejtësisë (KLD), Kreshnik Spahiu, me qëllim shkarkimin e tij nga ky post. Kërkesa u miratua vetëm me votat e shumicës, pasi deputetët e opozitës u larguan nga mbledhja.

Nënkryetari i KLD-së u paraqit në komision, ku fillimisht u dëgjua relacioni i deputetit të PD-së, Viktor Gumi, i cili parashtroi kërkesën e shumicës që kërkonte shkarkimin e Spahiut.

Kërkesa e demokratëve argumenton se "Kreshnik Spahiu ka devijuar nga funksioni kushtetues dhe e ka zëvendësuar atë me veprimtari politike të papajtueshme me detyrën, duke mos përfaqësuar interesat në funksionin e drejtësisë dhe Kuvendit të Shqipërisë, organ nga i cili është zgjedhur".

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30