''Vetëvendosje'' me aksionin ''Kosova Republikë''

nga **Agim Gashi** Mon Jan 30, 2012 5:12 pm

''Vetëvendosje'' me aksionin ''Kosova Republikë''

Levizja 'Vetëvendosje', ka hedhur kritika kundër Qeverisë. Aktivistët e saj përmes një aksioni simbolik shkruajtën parrullën e parë ”Kosova Republikë”, tek Kuvendi i Kosovës, më pas vazhduan në disa nga zonat kryesore të qytetit.
”Konkluzionet nuk mund të jenë në kundërshtim me premisat. Qeveria e Hashim Thaçit i ka pranuar bisedimet me Serbinë pa e njohur kjo e fundit Republikën e Kosovës. Si rezultat ka negociata midis Qeverisë së Kosovës dhe Republikës së Serbisë, lidhur me Kosovën”, thotë 'Vetëvendosje' nëpërmjet një komunikate.

Ndërkaq për pranimin e Edita Tahirit që të hiqet mbishkrimi ”Republika e Kosovës” në përfaqësimin e nismave rajonale, ajo thotë se ”është në përputhje të plotë me qëndrimin nënshtrues të Qeverisë së Kosovës karshi Serbisë”, ndërsa arsyetimet e zyrtarëve qeveritarë i konsideron të papranueshme.

”Po na thuhet se Kosova hoqi dorë nga Republika, por edhe Serbia hoqi dorë nga Rezoluta 1244. Ky arsyetim vjen nga pozicioni i atyre që Kosovën e shohin si një çështje të pazgjidhur, që nuk dihet se kujt i takon, e kush ka të drejtë mbi të. Ky arsyetim i pranon synimet shoviniste të Serbisë si legjitime”, thekson 'Vetëvendosje', e cila e quan të paqëndrueshme paralelen midis Greqisë dhe Maqedonisë.

”Maqedonisë nuk i kontestohet subjektivitetin shtetëror, nuk i mohohet shteti, por emri i shtetit, ndërkaq, Serbia e konteston emërtimin shtetëror sepse nuk e njeh dhe e lufton vetë shtetin e popullin e Kosovës”, thuhet në komunikatë.

'Vetëvendosje' thotë se heqja e fjalës ”Republikë” nga emri i shtetit tonë dhe ”shfuqizimi i reciprocitetit në Kuvendin e Kosovës e kanë fuqizuar Serbinë në Kosovë si dhe në arenën ndërkombëtare për çështjen e Kosovës”.

Kjo gjë, thuhet më tej, ia ka rritur shumë Serbisë gjasat për ta marrë statusin e vendit kandidat për BE.

Sipas 'Vetëvendosjes', ”koncesionet që po i bën Qeveria e Kosovës lidhur me shtetin janë sinjal i keq dhe krijojnë konfuzion edhe për shtetet që e kanë njohur apo që duan ta njohin Kosovën si shtet”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30