Përkulem para gjithçkaje të bukur

nga **Agim Gashi** Mon Jan 30, 2012 10:12 pm

Përkulem para gjithçkaje të bukur
(poezi)

Nga Përparim Hysi

Përkulem para gjithçkaje të bukur
(Vallë,a ka më të bukur se një grua?!)
Jam shumë i kthiellët,aspak i turbull
Ndaj them me plot gojën:-Të dua!

Ti je dita ku dielli s'perëndon kurrë
Po je dhe lulja në lulëzim të përjetshëm
Në se përkulem dhe s'jam më burrë
Pse,si mendon ti:-Kot jam i vdekshëm?

Shoh buzën që hepohet si harku i Kupidit
Dhe sytë që perëndojnë sikur i vret dielli
Oh,do t'i pranoja dhe gozhdët e Krishtit
Dhe ballëhapur do të shkoja dhe drejt Ferri.

Kur buzëqesh ti,çelin gjithë pemët
Dhe sado që është dimër,po vjen pranvera
Jo,një bukuri e tillë kund nuk gjëndet
Ç'thuhet për të tjera,janë veç legjenda.

Ke një hijeshi që shkakton molisje
Një fytyrë ovale dhe shumë elegante
Ke një gjallëri krejt të magjishme
Dhe,ç'është e drejta,je shumë sharmante.

Pse ç'mendon se nuk shoh gjirin hyjnor
Që sado e mban"fshehur",më kanos me neps
Po,moj mike,unë nuk jam qiellor
Por si çdo të gjallë,ai gji më zileps.

Kaq nuk janë pak që mos më përkulin
Edhe pse kokën tash e kam me thinja
Oh,ajo bukuri,më vuri poshtë mua,burrin
Kush nuk u përkul vallë nga bukuria?!...

29 janar 2012

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30