Musa Jupolli & Mentor Thaqi: Dhurata poetike

nga **Agim Gashi** Thu Feb 16, 2012 11:23 pm

Musa Jupolli & Mentor Thaqi: Dhurata poetike

Musa Jupolli

PËR TY ATDHE

nuk kam kaluar as një ditë
pa të dashur Atdheu im

as një natë pa të ëndërruar
nuk e kam kaluar

nuk është gatuar as një bukë
në shtëpinë time

pa e menduar
fitoren për Ty Atdhe

as një çast pa folur për Ty
nuk e kam kaluar

në shetitje
në ndeja

në oda e sallone
takimeve e në pallate e parlamente

në shkrurjën e letrave
me lapsin tim

ishe dhe mbetesh temë
Ti Atdhe
gjuha është e ëmbël
natyra flet

e qielli flet
për Ty Atdhe

nga një Janari
me tridhjetë e një dhjetor

çdo ditë
çdo vit

vizatova dhe shkrova
mbi hartën tënde

dardani
ulçin e malësi

shkup
preshevë
e çamëri
SHQIPËRI

Musa Jupolli, Paris, 2012

(Dhuratë vëllaut - Poetit Mentor Thaqit)

_______________________________

Mentor Thaqi
ATDHE, T´I NJOH PLAGËT!
(Kuvendim poetik me Dheun e Etërve)

Mjek nuk jam,
dhimbjet ti ndjej
pa dëgjuese,
as rritur s´të kam
e plagët si ëndërrat
ti njoh,
o Atdheu im!

Nga jasht,
skutat rreth zemre
ti shoh,
ti njoh
dhe të rrahurat
shpesh të çrregulluara
nga stresi,
(t)ambëlsinë ta njoh,
jam rritur në gjiun tënd!

Eh,
sa herë u mundova
të t´ndal gjakderdhjen
dhe dhimbjet
nga amputimet,
kur të brenin
kafshimet
pas shpine.
Unë të lëmoja
e ti më mbaje,
të dytë vertikal
ia dolëm,
edhe pse të gjymtuar!
Po ofshamat?!
Kush ti njeh
më mirë se unë,
se unë pjella jote,
e ti mua rënkimet
në formë reciproke,
ndërsjelltas
të dytë po vuanim
nga (për)gjakimet
e egra t´kësaj Bote?!

Eh, eh!
Të dua o Atdhe,
kështu si jam
e kështu si je,
kështu si t´kam
e kështu si m´ke,
me Qiell e Diell,
Hënë, Ujë e Dhe,
i yti jam,
i imi je!!!

Hë,
na i marrshin t´ligat,
hijenat, demonët
dhe shtrigat!
Kur unë jam i s´muar,
e ti s´ndjehesh mirë,
frymëmarrje t´vështirë
kemi të dy,
përmes të t´njëjtave
mushkëri!

Mentor Thaqi VS., 13.09.2011

( Dhuratë vëllaut - Poetit Musa Jupollit)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30