Dha dorëheqje Presidenti Gjermanisë

nga **Agim Gashi** Fri Feb 17, 2012 7:22 pm

Dha dorëheqje Presidenti Gjermanisë

Presidenti i Gjermanisë, Kristian Vulf dha dorëheqje, duke pranuar se ka bërë gabime, por se gjithnjë ka vepruar në kuadër të kornizave ligjore.

“Unë kam bërë gabime”, ka thënë ai në një transmetim direkt nga zyra e tij në Berlin, “por, gjithmonë kam bërë veprime korrekte”.

Ai tha se akuzat për korrupsion që janë shtuar në javët e fundit, kanë rezultuar me mungesën e besimit dhe ia kanë bërë pozitën të paqëndrushme.

Më herët, kancelarja gjermane Angela Merkel anuloi vizitën e planifikuar në Romë, për shkak të paralajëmrimeve për dorëheqjen e presidentit.

Një ditë më parë, prokurorët publikë kanë kërkuar që presidentit Vulf t’i hiqej imuniteti, për shkak se ka pranuar të mira nga miqtë e tij të pasur në kohën sa ishte kryeminstër i Saksonisë së Ulët.

* * * * *

Kancelarja gjermane Angela Merkel ka anuluar vizitën e planifikuar në Romë, meqë ka indikacione se presidenti Kristian Vulf mund të japë dorëhqje, njofton agjencia gjermane e lajmeve, DPA.

Sipas agjencisë, burimet e afërta me presidentin thanë të premten se ai do të paraqesë dorëheqjen në një konferencë për gazetarë para mesditës.

Kjo për shkak të rritjes së pretendimeve se ai është përfshirë në afera korruptive.

Prokurorët publikë kanë kërkuar që atij t’i hiqet imuniteti, për shkak se ka pranuar të mira nga miqtë e tij të pasur në kohën sa ishte kryeminstër i Saksonisë së Ulët.

Merkel njoftohet se do të japë një deklaratë të veçnatë pas bërjes publike të dorëheqjes.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30