Vullnet Mato:VIZITA VIRTUALE

nga **Agim Gashi** Wed Feb 22, 2012 12:47 pm

Vullnet Mato

VIZITA VIRTUALE

Merita dhe Teuta në Shkodër,
ti Agim në Gjermani,
Kaman në Amerikën e largët,
ti Nina në Itali, Fatmir në Londër...
Erdha dhe vizitova
të gjithë eksibicionin tuaj virtual.
Nuk gjeta aty asnjërin
nga ju miqtë më të dashur.
Ku ishit kur shfletova profilin tuaj
me foto dhe vargje momental ?...

Nga bridhnit, në cilin kontinent
ishit shtruar me miq?...
Në Atlantik trazova kudo
linjat e dallgëve elektronike.
Në brigjet e Paqësorit
tunda të gjithë plazhet lakuriq.
Në cilin ishull zezakësh
kishit shkuar ato çaste për eksplorim?

Zbrita në kepin e bisedimeve chat,
ku vezullojnë yjet jeshil.
Me shkrim dhe msn s’u kapa dot
nga mbrëmja deri në mëngjes.
Sinjalet e kuq i kishit mbyllur
si yje të shuar në qiell steril
dhe u tremba mos u kishte thithur
ndonjë gropë e zezë.

Pyeta planetët roje,
kur dielli kish shkuar të drekonte
matanë globit teksa këtej darkonte nata,
mos u kishin parë
te bari i ndonjë kozmodromi,
duke pirë kafe në agim,
apo diskove qiellore duke vallëzuar
me kometat e flokëgjata.
Pasi nuk ua gjeta askund koordinatat,
rashë në trishtim?

Eh, miqtë e mi të mirë,
të paktën kur të vij
të trokas në qiellin tuaj tjetër herë,
mos më lini të vetmuar,
të bëhem pupël,
nga mungesa e peshës në stratosferë!..

nga **Agim Gashi** Wed Feb 22, 2012 1:04 pm

Agim Gashi:Përgjigje Vullnet Matos

Vlla i dashur Vullnet Mato
Ti që erdhe e smë ke parë,
Po t´lajmërohem nga spitali
Dhe akoma jam i gjallë.

Ti nuk je i vetmuar
Se jeton atje n´atdhe,
Ndersa në ne mërgimtarët
Barrë e rëndë peshon mbi ne.

Peshon malli i familjes,
Peshon malli e miqësisë,
Ndersa zemrat na i kalli
Malli i tepërt i Shqipërisë.

Kur të dalë unë nga spitali
Poqëse dal nga ai i gjallë,
Po sikurse verat tjera
Vrrik te ti kam me ardhë.

Kem me u qmallë e me bisedue
Për shumë gjëra dhe poezi,
N´maje të Dajtit do ta ngrisim
Një dolli për Shqipëri!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30