Arrestohet autori i veprave antishqiptare

nga **Agim Gashi** Wed Feb 22, 2012 10:50 pm

Arrestohet autori i veprave antishqiptare

Millosh Radosavljeviq-Kimi, serbi që dogji xhaminë qendrore “Bajrakli” të Beogradit gjatë vitit 2004 dhe që morri pjesë në rrahjen masive mes të rinjve shqiptarë dhe atyre maqedonas në Kalanë e Shkupit gjatë vitit të kaluar, është vënë nën pranga nga policia e Maqedonisë dhe është deportuar në një kohë rekord direkt Serbisë.
Radosavljeviq është udhëheqës i grupit të tifozëve ‘Grobari’ të klubit të futbollit “Partizan” i Beogradit. Ai kishte hyrë në Maqedoni në mënyrë legale gjatë muajit korrik të vitit të kaluar me aeroplanin e linjës Beograd-Ohër.
Serbi i njohur për një sërë veprash, gjeti strehim në Maqedoni, tek anëtarët e grupit të tifozëve “Komitët” nga Shkupi. Kështu shkruante sot gazeta serbe “Blic” duke u mbështetur në burime të policisë serbe.
Por nëpërmjet një komunikate me shkrim, këto informacione të gazetës serbe janë hedhur poshtë nga tifozët e Vardarit “Komitët”. Ata thonë se nuk kanë pasur asnjë lidhje me “Grobarët” e Beogradit dhe duke u nisur nga ky fakt, parashtrojnë pyetjen se si mund të kenë gisht “Komitët” lidhur me arrestimin e Radosavljeviqit ose qëndrimin e tij në Shkup. Radosavljeviq u strehua në Maqedoni, pasi autoritet serbe e kërkonin për kryerjen e disa veprave penale, dhe se ndaj tij ishte shpallur fletë-arrest ndërkombëtar. Por pas 9 muajsh qëndrimi ilegalisht në Maqedoni, serbi Radosavljeviq nuk kishte rregulluar leje-qëndrimin e tij në vend, dhe me këtë rast, dje gjatë orëve të pasdites u dërgua para gjykatës, ku dhe iu caktua një gjobë në të holla si dhe vulë ndalese për hyrje në Maqedoni, për 5 vitet e ardhshme. Radisavjeliq u depërtua mbrëmë drejt Serbisë, duke u nxjerrë në orën 19.00 në vend-kalimi kufitar Tabanocë. Radisavljeviq ishte arrestuar në një lokal nate në qendër të Shkupit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30