Sparkes: Situata në veri drejt përshkallëzimit

nga **Agim Gashi** Sun Apr 15, 2012 12:42 am

Sparkes: Situata në veri drejt përshkallëzimit

Zëvendësshefi i EULEX-it, Andy Sparks, në një intervistë për RTV21 ka deklaruar se situata në veriun e vendit po shkon drejt përshkallëzimit. Ai ka kërkuar që banorët atje ta mbajnë qetësinë dhe t’u besojnë autoriteteve të Kosovës dhe atyre ndërkombëtare. Sparks ka thënë që po vazhdojnë hetimet për ta ndriçuar rastin e vrasjes së Selver Haradinajt.
Ish ambasadori britanik, tani zëvendësshef në EULEX, Endy Sparks, ka mohuar që EULEX-i të ketë kontakte me strukturat ilegale, ndërkaq ka thënë që MUP-i i Serbisë nuk guxon të jetë i pranishëm në atë territor.
Zëvendësshefi i EULEX-it, Endy Sparks, vlerëson se situata në veriun e vendit vazhdon të jetë e tensionuar, me mundësi të përshkallëzimit, marrë parasysh incidentet e fundit. Ai deklaroi se çdo akt edhe më i vogli mund të provokojë situatën edhe ashtu të brishtë.
“Është e qartë se situata është shumë e tensionuar dhe të dyja palët janë nervoze dhe të brengosura për qëllimet e njëra tjetrës. Çdo akt edhe më i vogli mund të provokoi situatën, ndërkohë ka shumë spekulime dhe atmosfera është shumë e rëndë. Unë apeloi tek njerëzit që të mbajnë qetësinë dhe t’i besojnë autoriteteve përgjegjëse kosovare apo ndërkombëtare dhe të lejojnë që situata të qetësohet. Situata është duke u përshkallëzuar për shkak që njerëzit janë gjithnjë e më të brengosur dhe kjo mund të shpie tek ndonjë reagim i tepruar për shkak të incidenteve, gjë që mund të provokoi dhunë. Situatën duhet ta mbajmë të qetë dhe nën kontroll, shembull unë dëgjova thashetheme për një incident në Suhodoll dhe nëse kjo është e vërtetë nevojitet që sa më shpejt të hetohet rasti, kurse popullata duhet të mbajë qetësinë, ndryshe këto incidente mund të provokojnë ngjarje më serioze”, ka thënë Endy Sparks, zëvendësshef i EULEX-it.
Duke folur për sulmin ndaj familjes Haradinaj ku mbeti i vrarë kryefamiljari, Selver Haradinaj, zëvendësshefi i EULEX-it Sparks, tha se hetimet marrin kohë.
“Ne jemi aktivisht të përfshirë në hetime përkrah autoriteteve kosovare, mirëpo hetimet nuk janë diçka që kryhen për 12 orë. Kur kemi të bëjmë me raste ku nuk ka të dyshuar që identifikohen menjëherë, hetimet marrin kohë dhe njerëzit nuk duhet të bëjnë konkluzione të menjëhershme, por të presin rezultatet e hetimeve. Unë kam kërkuar që të gjitha resurset tona të jenë të fokusuara në veri të Ibrit ku ka komunitet të përzier dhe shqiptarët e të tjerët që në atë rajon janë pakicë, janë posaçërisht të brengosur, kështu që ne jemi më të fokusuar në atë rajon dhe vazhdojmë të hetojmë vrasjen e Selver Haradinajt” ka thënë Endy Sparks, zëvendësshef i EULEX-it.
Ish-ambasadori britanik, tani zëvendësshef në EULEX, Endy Sparks, mohoi që EULEX-i të ketë kontakte me strukturat ilegale serbe në veri, ndërsa tha se “MUP-i i Serbisë nuk guxon të jetë i pranishëm në atë territor”.

>> Shqiptarët heqin vetë barrikadën serbe afër Leposaviqit (Video)
>> Komente (128)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30