Hyqmet Hasko:TË MËDHENJ NË DUKJE, TË VEGJËL NË ART

nga **Agim Gashi** Mon Apr 30, 2012 9:26 pm

Hyqmet Hasko

TË MËDHENJ NË DUKJE, TË VEGJËL NË ART

Sa të çuditshëm janë disa kalemxhinj mediokër,
që as të parët as të fundit rreth nesh kudo janë,
flasin trumbetojnë se gjoja drejtojnë artin e botës
se për ty e për Shqipërinë mbushin fletët anembanë.

Dhe ec e merri vesh ti këta mjeranët, mediokër,
asgjë nuk kanë në trastë dhe te ngopur përherë janë,
dhe flasin fjalët me helmin e gjarprit te kokët,
nuk bëjnë dashuri as të mbarsur, por fëmijë kanë.

Përherë në shkarravitje i kemi këta mediokër,
dhe thonë se në qiell do ndryshojnë letërsinë,
si të paaftë, mendimi u lidh ndonjë aguridhe kokërr
dhe zotohen se do ndryshojnë dhe astronominë.

Ata nuk studiojnë por vetëm fantazojnë e dyshojnë,
se yjet vezullues i kanë në rrugën e tyre pengesë,
me trokëllima kuajsh të ngordhur nisin e vrapojnë,
yjeve të mirënjohur t’ua marrin famën në kthesë.

Flenë kot mbi dafina këta tipa mediokërish të mjerë,
të kënaqur duken, serioz e si gjela të krekosur rrinë,
pa çadra dalin mes shiut dhe thonë ju sjellim pranverë
edhe pse janë bërë qull thonë nuk lagemi asnjë grimë.

Kur u rrëshqet toka nën këmbë, ia hedhin fajin tërmetit
dhe mundohen te rinjve tu duken të mëdhenj me famë,
Po kur sheh boshllëkun e torbës së tyre të mediokritetit,
kupton fare qartë, se sa të vegjël në art ata janë...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30