Mentor Thaqi:NJERIUT-MONUMENT

nga **Agim Gashi** Sat May 05, 2012 2:50 pm

Mentor Thaqi

10 VJET, plot një jetë, 10 vjet aktivitet i shkelqyer nga Njeriu i Madh i Malësisë, mjeshtri i mbledhjes, konservimit, kultivimit dhe ruajtjes së Eksponateve të Jetës sonë, i dashuri Shtjefën Ivezaj, bëri dhe po bën punë të pashoqe që do duhej të ndihmohet nga të gjithë ne, nga institucionet tona, nga bisneset tona, ..., nga motrat-vëllëzërit e gjakut gjithandej botës! Urime dhe Përgëzime baca Shtjefën, ty dhe barabartë me ty Zonjës tënde-nënëlokes sonë që e ke krah të djathtë! Më mbeti pikë në zemër që nuk pata mundësi ardhjeje atë ditë, qebesa, aty pashë edhe Profesor (vëllaun) Gezim Uruci! Përqafime vëllazërore nga vëllau mërgimtar-Mentor Thaqi!

NJERIUT-MONUMENT
(Bacës Shtjefën Ivezaj, në Ditën e Lindjes)

Maestro n´monumente,
në mbledhje e ruajtje vlerash,
o Njeri-Muze!
N´kërkim Rrënjësh
për ndërtim-rritje Trungu,
a s´na thua:
Cili je?!
Ti që begaton jetën
dhe sakrifikon veten!

Dhjetëmijëvjet e tëhu....
përmes duarve tuaja,
se Rrënjët kjenë këtu
e jo pragjeve t´huaja,
kërkohej Njeriu,
AI që do i ruaj,
Njeriu ishe ti,
t´lutem, na e thuaj!
Shumëkush ka hamendjen,
për njatë trup të vogël,
në një dorë parmenden,
në tjetren grykëhollen,
në majegishtash penën,
n´dritësyri aparatin,
vlerave u japë zemrën,
shpirtë ke EKSPONATIN!

Njeri pa shtëpi,
shtëpinë ua dhe vlerave,
një Muze në Malësi,
Krenari e k´tyre dherave,
si dy hije legjendash,
bashk me Nusen-Mëmë,
Shqipe prej dy krenash,
që ruan Folenë,
na e sjellë të djeshmen,
para syve tanë,
na ruan të sotmen,
me shumë dashuri,
na bekon të nesërmen,
se Brezat k´tu janë,
Maestro Shtjefën Ivezaj,
NDERË është Emri I Tij!
Atje n´atë Breg Hoti,
e ka bekuar Zoti,
me kthjellësi loti,
e urojmë mot pas moti,
të ketë jetëgjatësi,
sa do zemra e tij!

Mentor Thaqi VS., 30.08.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30