Kristaq Shabani:7 MAJI-URIME NGA GJITHKUND : “DHE NJËQIND VITE TË LUMTURA, ALEKSANDRA!”

nga **Agim Gashi** Tue May 08, 2012 7:24 am

Kristaq Shabani:7 MAJI
URIME NGA GJITHKUND : “DHE NJËQIND VITE TË LUMTURA, ALEKSANDRA!”
Kristaq Shabani:7 MAJI-URIME NGA GJITHKUND : “DHE NJËQIND VITE TË LUMTURA, ALEKSANDRA!” 576832_10150832667258186_678723185_9589081_857807042_n

Kristaq Shabani:7 MAJI-URIME NGA GJITHKUND : “DHE NJËQIND VITE TË LUMTURA, ALEKSANDRA!” 576832_10150832667258186_678723185_9589081_857807042_n

Një ditë e magjikshme për familjen tonë sot , pasi maji është i lidhur ngushtësisht me familjen tonë…. Që në mëngjes herët , pas kundrimit të hënës më të plotë se e plota, pas humorit të mbrëmshëm , dita lindi plot diell dhe gezimi u sipërua ….
Qirinjtë u ndezën brof të gjithë … duke dhënë pamjen festive në shtëpi, të kombinuar me një tufëzim trëndafileësh të ngjyrimeve të ndryshme …Një parësi trëndafil Stambolli , të cilin e ka sjellë strëgjyshi im, Aleks, nga Stambolli në fshatin e lindjes Lliar , Zagori , qysh ne maj të vitit 1892, plot 120 vjet më parë … Kemi mbjellë nga ky trëndafil në kopshtin tonë trëndafilor këtu në Gjirokastër…
Dhe urimi filloi : Aleksandra sot ka ditëlindjen e saj ... Një ditë urimore, entuziaste...
Me qindra urime nga mikesha , miq dhe të afërm... Gazmend, përkujdesje dhe shkrepëtima vargjesh të reja , mendime të nisura në rrugë..., drekim festiv ...
Dhe në këto çaste, m’u kujtua nje poezi , e cila është shkruar , kur ajo ishte ende shumë e vogël dhe konkurronte me mua , duke më thënë se dhe unë shkruaj... poezi, skica të vogla .. Unë qeshja ....
*
“Sa të pasur janë njerëzit në shpirtin e tyre kanë të gjitha stinët.”
Autori

Përkushtesë

Vështrimi i saj më magjeps
dhe me qerpikë më thotë: “Mos…
Nuk je vetëm ti poet
dhe unë si ti me vargjet loz…!”

Kristaq F.Shabani “Stina e pestë”

Më vonë ajo filloi të shkruajë shumë , të dallohet në shkollën 8 vjeçare , në gjimnaz , duke çuditur me aftësinë e saj mësuesit e gjuhës dhe të letërsisë dhe unë ndjeja ecurinë e rritjes së saj në lëtërsi e duke parashikuar me horoskopi poetike se do të ecte ...
Sa që një ditë lindi dhe libri i saj poetik i parë i suksesshëm “Skulpturë dëshire në qiell manovrimi”. Kur ky libër i ra në dorë një poeteje me zë në Shqipëri dhe kur mori vesh se Aleksandra është vajza ime, më tha: “Këtë libër e kam lexuar me një frymë... S’kam lexuar kaq vjet një përmbledhje të tillë poetike. Është talent , ndaj duhet përkujdesur....”. Këtë unë e dija , por m’u bë qejfi që ma tha dhe mikja ime, poete e njohur në Shqipëri. Aleksandra kundrohet nga ana ime, por ajo do që gjithçka të mbajë firmën kreative të saj ... Dhe këtë e ka arritur. Unë kam përvojë të madhe në letërsi dhe kam pikëtakuar shumë poetë dhe poete jo vetëm në vend , por edhe më gjerë... Tashmë ka botuar librin e dytë dhe është në proces botimi libri i tretë i saj poetik... Ka përgatitur për botim librin “TERESINKA PEREIRA FLET SHQIP”, një përkthim i bukur elegant i këaj poete në shqip me një përkujdesje të jashtëzakonshme... Ka përkthyer me qindra poetë nga anglishtja në shqip dhe dua të them shumë profesionalisht, por edhe shumë poetë nga italishtja në shqip dhe nga shqipja në italisht... Janë qindra libra të përkthyera.... Është një kolanë e tërë ...
Në të gjitha veprimtaritë madhore të Pegasit e ka treguar katërcipërisht veten në Simpoziume dhe Kongres, ku ka lojtur role parësore.... Ka ndjekur veprimtaritë në Shqipëri, Kosovë, maqedoni, Mal të Zi, Greqi e gjetkë.... Është sot anëtare e Ë.P.S dhe U.P.L.I (SHBA)... E ftuar në sa esa ngjarje letrare që zhvillohen sot në Botë...
Emri i saj sot është shënuar në mjaft antologji, që janë botuar jashtë vendit , si në Rumani, Greqi, Itali, Turqi , Indi e tjera... Madje ka prekur dhe çmime të mëdhenj...
AJO ËSHTË E PASIONUAR PAS NADIA CELLA POP, TERESINKA PEREIRËS, FLORENTIN SMANDARACHES E SHUMË TË TJERËVE, që janë poetë niveli sot në botën letrare.

Urimet tona në këtë ditë pastorale ishin:
“Dhe njëqind vite të tjera të lumtura!” Ishte ky urimi im , i nënës së saj , vëllait dhe i gjithë të ardhmëve...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30