LD Gjermani:MJAFT MË DENIGRIMIT TONË NJERËZOR DHE KOMBËTAR !!

nga **Agim Gashi** Thu May 10, 2012 10:16 pm

LD Gjermani:MJAFT MË DENIGRIMIT TONË NJERËZOR DHE KOMBËTAR !!

Sonte do duhej të mbahej mbledhje e jashtëzakonshme e kryesisë së LDK-së për të kërkuar sqarime për lajmin e tentim vrasjes të kryetarit historik të Kosovës dhe kryetarit të LDK-së.
Por, kush ta e bëjë këtë gjë?

Ku është kryeprokurori i Kosovës që sot nuk del para gazetarëve?
Ku janë bashkëpunëtorët e Dr. Ibrahim Rugovës që kanë përfituar goxha shumë privilegje dhe pozita në emër të tij që sot heshtin?

Ku janë mediet, RTK-ja dhe të TV-të tjera që nuk organizojnë debate të jashtëzakonshme për këtë lajm trishtues për shqiptarët?
Ku janë shoqëritë civile?
Ku është KPDNJ-ja?
Ku jemi ne si shoqëri civile dhe demokratike?
Ku po shkon Kosova kështu?

Sikur të ishte ky një lajm i një gazetari hulumtues do të alarmohej prokuroria e vendit, por kur lajmin e ofron një vrasës nga burgu për një gazetë ditore, disa thonë se ai është një i sëmurë psikik. Dhe kjo dukuri, s’ do asnjë koment, sepse tregon qartë si jemi në një krizë të thellë institucionale. Prokuroria e Kosovës dhe Gjyqësori, ose s’ kanë fuqi fare juridike, ose bëjnë sehir sikur që bëjnë edhe dëshmitarët okular!

Vrasësi para një kohe jo të largët në qendër të Prishtinës doli para medieve dhe deklaroi se unë jam dorasi i disa vrasjeve, e dikush nxitoi ta shpallte të çmendur, dikush e lavdëronte, dikush e inkurajonte, ndërsa më vonë policia e mori nën mbrojtje në shtëpi për të vazhduar deklaratat njëra pas tjetrës, kurse sot nga burgu erdhi lajmi tjetër kumbues nga një tjetër vrasës me pagesë, i cili tregoi se kush i dha urdhër me e vra presidentin tonë historik, Dr. Rugovën!?

Këto vite na ka rënë me dëgjua dhe lexuar deklarata se cili ka urdhërua me vra shqiptarë e cili ka qenë vrasësi. Por sikur jemi mësuar me hesht ose me bashkëjetuar me krimin dhe me qeverisë vendin bashkërisht me urdhërdhënësit dhe ata që kanë vrarë bijtë më të shquar të kombit!?

Zbardhja e vrasjeve ose e tentim vrasjeve nuk i ngjallë ata të cilët nuk janë më në mesin tone, por së paku duhet t’i vras ndërgjegjen gjykatësve dhe prokurorëve që të lëshojnë fletë arreste dhe të burgosin të gjithë vrasësit. Krimi dhe kriminelët duhet të dënohen nga organet e shtetit, që njëherë e përgjithmonë të lirohemi si shoqëri dhe si shtet nga barra e rëndë e krimit dhe kriminelëve, që sot Kosovën e kanë vënë në shtyllën e turpit tonë kombëtar dhe ndërkombëtar..!?

Prokuroria publike e Kosovës, nëse as kësaj here nuk reagon, ajo do duhej të deklarohej se nuk është më në funksion të saj shtetëror dhe juridik të vendit.

Shtrojmë pyetjen: deri kur do sillemi kështu, kur sot festohet dita e Evropës atje ku neve pretendojmë me shkuar, ndërsa në anën tjetër qeveria e Kosovës avancon vrasësit në profesorë, në deputet, në ministra, në kryetar komunash, duke mos lejuar drejtësinë që të merret me ta. Dikush tha, se aktualisht po hetohen së paku gjashtë kryetar komunash për hajni dhe korrupsion, dhe se për shumë skandale tjera ajo vetëm hesht..!!

Një fakt dihet, se nëse shteti i Kosovës vazhdon me këtë trend tejet negativ, është gjë e sigurt se si popull dhe si shoqëri nuk mund të shkojmë askund. Me kërcënime, vrasje, krime dhe shantazhe është e pamundur të ecet drejt Evropës, sidomos jo duke i fsheh krimet që janë bërë gjatë luftës, pas saj dhe tani me shkallën më të lartë të korrupsionit në Evropë.

Qytetarët e Republikës tonë të dashur duhet të vetëdijesohen dhe të paktën t’i publikojnë të dhënat e vrasëseve që i dinë si dhe të luftojnë për të sjellë në pushtet një klasë politike të moralshme dhe të ndërgjegjshme për ta ndryshuar situatën që kemi për t’u bërë sa më parë pjesë e botës së civilizuar dhe demokratike.

Po ashtu është e sigurt, se një qeveri e inkriminuar në krime dhe korrupsion nuk ka asnjë shans që ta fus Kosovën në Evropë pa e luftuar dhe ç’rrënjosur krimin e organizuar politik dhe ekonomik, andaj, popull shqiptar, zgjohu dhe thuaj MJAFT MË DENIGRIMIT TONË njerëzor dhe kombëtar para botës dhe para Zotit !!

Një grup intelektualësh nga Stuttgart-i me rrethinë

Foto: Atentati ndaj presidentit Ibrahim Rugova

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30