Tërhiqet PDK-ja, kuvendi vazhdon punimet

nga **Agim Gashi** Tue May 15, 2012 2:04 pm

Tërhiqet PDK-ja, kuvendi vazhdon punimet

Përpjekja e Grupi Parlamentar të PDK-së, që ta rikthejë në votim, mocionin, i cili kushtëzon vazhdimin e bisedimeve me zbardhjen e fatit të personave të pagjetur të luftës, është mbyllur me një fjalim të deputetit Arsim Bajrami.

Në seancën e sotme të Kuvendit të Kosovës, Bajrami tha se çështja e të pagjeturve mbetet detyrim i institucioneve shtetërore, ndërkohë nga udhëheqja e Kuvendit kërkoi që herave të tjera të ketë kujdes gjatë proceseve të votimit.

Deputeti Bajrami, në emër të PDK-së kërkoi që Kuvendi mos të merret më tutje me çështjen e të pagjeturve, për të cilën Kuvendi javën e kaluar miratoi disa rekomandime, një prej të cilëve parasheh kushtëzimin e bisedimeve me Serbinë me zbardhjen e fatit të personave të pagjetur.

“Propozoj që debati që këto ditë ka qenë aktual edhe në media edhe në Kuvend për fatin e të pagjeturve, të mos politizohet, mos të jetë objekt i përplasjeve mes subjekteve politike, mos të jetë objekt i përplasjeve mes komuniteteve dhe unë propozoj ta ndalim këtë debat, i cili më së paku në radhë të parë u bënë nderë të pagjeturve”, tha Bajrami.

Partia Demokratike e Kosovës javën e kaluar ka kërkuar kthimin në votim, të mocionit të miratuar njëherë nga Kuvendi, nën arsyetimin se Kuvendi kishte votuar dy dokumente dhe jo një mocion të vetëm.

Të premten e kaluar, deputetët e opozitës lëshuan seancën plenare, duke pamundësuar kështu vazhdimin e punimeve të Kuvendit, për shkak të mungesës së kuorumit.

Kthimin e mocionit, e kanë kundërshtuar familjarët e personave të pagjetur.

* * * * *

Kthimi i mocionit, i cili kushtëzon vazhdimin e bisedimeve me zbardhjen e fatit të personave të pagjetur të luftës, pritet të jetë sërish në qendër të debatit në seancën e sotme të Kuvendit të Kosovës.

Partia Demokratike e Kosovës, ka kërkuar kthimin në votim, të mocionit të miratuar njëherë nga Kuvendi, nën arsyetimin se Kuvendi kishte votuar dy dokumente dhe jo një mocion të vetëm.

Të premten e kaluar, deputetët e opozitës lëshuan seancën plenare, duke pamundësuar kështu vazhdimin e punimeve të Kuvendit, për shkak të mungesës së kuorumit.

Kthimin e mocionit, e kanë kundërshtuar familjarët e personave të pagjetur.

Ndryshe, në seancën e së enjtes, pas interpelancës së kryenegociatores Edita Tahiri në lidhje me bisedimet me Serbinë, Kuvendi kishte votuar mocionin, i cili në një pikë kërkonte kushtëzimin e vazhdimit të bisedimeve me Beogradin me zbardhjen e fatit të të pagjeturve të luftës.

Mocioni ishte përkrahur fillimisht edhe nga PDK-ja, por pas seancës, deputetët e kësaj partie kishin thënë se nuk e kishin të qartë se për çfarë kanë votuar, andaj edhe kishin kërkuar rivotimin.

Mon	Tue	Wed	Thu	Fri	Sat	Sun
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30