Mustafa ngushëllon popullin dhe institucionet e Shqipërisë

nga **Agim Gashi** Mon May 21, 2012 9:31 pm

Mustafa ngushëllon popullin dhe institucionet e Shqipërisë

Kryetari i Lidhjes Demokratike të Kosovës, dr. Isa Mustafa u ka shprehur ngushëllimet më të thella familjarëve të studentëve që pësuan në aksidentin tragjik në aksin rrugorë Himarë-Sarandë, të gjithë qytetarëve dhe prijësve të institucioneve të Republikës së Shqipërisë.
Në vijim po e japim në tërësi mesazhin e ngushëllimit të Kryetarit Mustafa për popullin dhe institucionet e Republikës së Shqipërisë:
“Në emër të gjithë anëtarësisë së Lidhjes Demokratike të Kosovë, dhe në emrin tim, shpreh dhembjen e madhe për jetët e humbura në aksidentin që ndodhi sot në rrugën Himarë-Sarandë.
Të gjithë jemi tepër të tronditur nga kjo ngjarje e llahtarshme, ndaj dua që t’i siguroj familjarët e viktimave, të gjithë qytetarët, liderët institucionalë dhe politikë të Shqipërisë, për solidaritetin tonë të plotë dhe keqardhjen e pakufijshme që ndiejmë në këto çaste të rënda zie.

Shpirtërisht dhe në lutje jemi me bashkëfamiljarët e viktimave të kësaj tragjedie dhe me të gjithë popullin e Republikës së Shqipërisë.

Njëkohësisht, me tërë zemrën lutemi që të plagosurit të shërohen sa ma parë dhe t’u kthehen familjeve të tyre, amfitetarove dhe mjediseve universitare”, thuhet ne komunikatë.BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30