Sabit Rrustemi sjell dy poezi të poetit të ndjerë Rexhep Elmazit

nga **Agim Gashi** Mon May 21, 2012 9:54 pm

Sabit Rrustemi sjell dy poezi të poetit të ndjerë Rexhep Elmazit

Dy poezi nga poeti i vrarë, Rexhep Elmazi, të cilin Ars Clubi "Beqir Musliu" do ta përkujtojë me 25 Maj 2012, nga ora 12:00, me vendosjen e luleve tek Varri i tij si dhe një Homazh Poetik , në Park Caffe, tek parku i qytetit, në Gjilan...
Sabit Rrustemi sjell dy poezi të poetit të ndjerë Rexhep Elmazit 532712_3027736383419_1563102666_32043802_186315076_n

Sabit Rrustemi sjell dy poezi të poetit të ndjerë Rexhep Elmazit 532712_3027736383419_1563102666_32043802_186315076_n

Rexhep ELMAZI
PËR SHOKUN TIM QË KËNDON

ti nuk ke lindur për ta shijuar jetën
atë e ndien në botën për rreth
në gëzimet dhe lotët që lëshon njerëzia
çdo gjë për ty ka domethënie të veçantë pse është
çdo ngjarje në mënyrën tënde e feston
lumi bie fjala është shoka
që lidh koha për breza : dita e nata
janë dy këngë për hymnin e botës
njëra ditirambi, tjetra elegjia e saj.

Atje ku ndihet vlimi më i prekshëm ti zhytesh
lotët e huaj të bien mbi zemër
ku njerëzit mes veti vriten nga mosdija
nga ambiciet e ulta fjala jote u hyn në mes
vuajtja dhe gëzimi jan tokë pa gardh
ku ti mundesh të hysh lirisht për të pirë ujë
meqë rrënjët i ke thellë në popull
ty vështirë është të të gjejë njeriu për të keq

Ti nuk ke vetëm një nënë e një at
para së gjithash jeta është nëna jote
prandaj ti jetën s'e jeton por e këndon
si t'ishe lyer në dorën e huaj !

BISEDË ME POETIN

Poetin kur e takon në rrugë
mos ja mësyj ta ndalësh përngutë
të bisedosh për jetën për botën për shoqërinë
është fjalëkoprrac ai, të thuash mendjelartë
me të s’flitet dot, pra mos e ndal

Mund ta shohësh duke folur me barin
më lehtë se sa me mua e me ty
duke folur me shtazën me lumin me pyllin
me retë e zeza me vetëtimën bubullimën
që i rrinë ditës si kasketë mbi sy
me natën e zezë tek ndonjë skutë e saj
për të gjitha këto neve na ka ëndja fjala e tij

Në e pafsh të habitur o të humbur
pas ndonjë sendi krejt pa rëndësi
në diçka që neve na duket marrëzi
ti mos e nga t’ia prishësh atë qetësi
por dije se së shpejti
diçka ka për të krisur
me këngën e ardhshme të tij

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30