Ridvan Hoxha: “ Qeverisë Muja – Kryeziu ia mban qirin opozita prizrenase”

nga **Agim Gashi** Sat Jun 16, 2012 12:48 pm

15.06.2012 Ridvan Hoxha: “ Qeverisë Muja – Kryeziu ia mban qirin opozita prizrenase” FotoLajmi

Elektorati i LDK-së dhe qytetarët prizrenas tani më veq janë të njoftuar me mospjesemarrjen time në seancat e Kuvendit Komunal të Prizrenit si pasoj e trysnive-shantazheve që bëhen ndaj meje , në mënyre institucionale nga zyrtar në K.K Prizren për të cilën jam deklarua publikisht. Do të vazhdoj të mos marrë pjesë edhe në të ardhmen përderisa drejtësia-institucionet gjyqsore e partiake nuk veprojn në administrimin e provave dhe gjykimin e tyre .
Por,për të qenë korrekt dhe në shërbim të interesave të qytetarëve prizrenas unë në cilësin e kuvendarit të LDK- së do të vazhdoj përmes komunikimeve - reagimeve publike mediale t’i paraqes opinionet e mia personale dhe të votuesve prizrenas lidhur me atë që po ndodhë në KK. Prizren dhe rreth tij.
Kryetari Muja dhe bashkpartiakët e tij zyrtar të lartë, janë duke u perballur me akuza të shumta për korrupcion, shkelje të ndryshme ligjore dhe për pasoj Komunën e Prizrenit e kanë sjell buzë kolapsit total/ kam informata se sot zyrtar të lartë komunal janë para organeve të drejtesisë në Prizren/. Për fat të keq kur edhe nje pjesë e kuvendareve te PDK-se , kane shfaqur rezervat dhe kundershtit e tyre ndaj kësaj udheheqje korruptive Qeverise Muja -.Kryeziu i del ne ndihmë një pjesë e madhe e kuvendarëve të LDK-së, thënë në gjuhën popullore “ Qeverisë Muja – Kryeziu ia mban qirin opozita prizrenase “duke i shpëtuar nga kolapsi institucional”.
Miratimi i bugjetit komunal per vitin 2011, u aprovua dhe u diskutua pa prezencën e një pjese të madhe të këshilltarëve të PDK-së në Prizren prej 12 kuvendarëve vetëm 3 ishin prezent në këtë seancë. Në mbledhjen e Gr.të këshilltarëve të PDK-së , një pjesë e këtyre këshilltarëve kanë vënë kusht që deri sa të është kryesues N.Kryeziu nuk do të marrim pjesë në seancat e K.K Prizrenit duke kërkuar shkarkimin e tij .
Për fat të keq pozita reagon ndërsa ”opozita e bashkuar”qëndron në séancë, duke legjitimuar në këtë mënyrë keqpërdorimet e parasë publike, manipulimet dhe korrupcionin në vitin e kaluar kalendarik.
Ky është edhe një hap nënshtrues dhe shumë i dëmshëm për fat të keq i Grupit të këshilltarëve të LDK-së në Prizren”dhe partive tjera në opozitë të cilët e mbajnë në jetë – gjallë politikisht dhe juridikisht Qeverinë e korruptuar Muja në Prizren.
Besoj se përfundimisht strukturat udhëheqëse lokale dhe vendore të LDK, por edhe drejtësia kosovare e kanë të qartë se ku ka arritur niveli koruptiv i qeverisë Muja në korruptimin edhe të këshilltarëve opozitar, me një qellim të vetëm për të sunduar me Prizrenin deri në fund të mandatit.
Pas gjithe kësaj që po ndodhë në K.K Prizren, nxitem të mendoj se a ia vlen të jem zyrtarisht pjesë e këtij grupimi të këshilltarëve të LDK-së në Prizren ”të korruptuar skajshmerisht”, por gjithmonë duke mbetur anetar i devotshëm për hir të mbrojtjes së dinjitetit t’im politik e njerzor, por edhe të platformës së ndershme të LDK e presidentit historik Ibrahim Rugovës .
Po shifet qartë se PDK e gr.i keshilltarëve të saj është më në krizë të thellë për shume arësye.Ndërkaq,një pjesë e shitur e LDK-se në Prizren me satelitët-klumbarët politikë po tenton ta mbajë gjallë .
Sinqerisht,uroj korrektesinë dhe veprimin më në fund të këshilltarëve të PDK- së, në rastin konkret,sepse vetëm në këtë mënyrë luftohet e keqja , korrupcioni dhe manipulimet për të cilin janë të interesuar qytetarët prizrenas.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30