Silvana Berki:Pakëz më shumë tolerancë !

nga **Agim Gashi** Sat Jun 30, 2012 8:01 pm

Silvana Berki:Pakëz më shumë tolerancë !

Mos më vështroni në atë mënyrë...
se unë jua lexoj sytë e trishtuar,
Jetën...
është vështirë ta quash të përkryer,
se me të përkryerën nuk ngopemi së kërkuar...

O yje që rrëzoheni kalimthi mbi Tomorrë
O hënë që ferexhenë mbi shtrat të Vasiliqisë largon
O diell vetullprerë mëngjeseve mbi Valbonë,
A mbillet lumturia kur ndjenja mungon ?

Mos më vështroni në atë mënyrë si fëmijë të prapë,
sa herë ju ndëshkoj ngapak dimrit plakë,
Unë ”
….prap do t`ju dhuroj pranverën së shpejti,
vec dua - pakëz durim të mbillni në gjak.

Pak dashuri... më shumë për njëri-tjetrin,
edhe atëherë kur mendimet i keni kundër,
se brënda në zemër askush s`është i keq,
se s`mund të jetë i keq njeriu i mundur.

Pakëz më afër,
më butë ta hidhni vështrimin,
...dhe mëndjes së trishtuar, t`ja fshini dhe lotin
se nuk të gjykon ai që në kurriz ka mbajtur dëshpërimin,
e nga hidhërimi....ka prekur vet Zotin.

Eh, sa lule...
i mbollët gjatë gjithë jetës tuaj,
Një ditë,
- i këputët, që t`ju merrnit erë,
dhe gurët fortesë një nga një bashkuat,
që lart e më lart të ngriheshit në garë me të tjerë.

Nuk them se gara është e keqe...
se gara e ka një fillim dhe një fund,
vec … pjesa më e bukur është rruga ndërmjet …
sa shumë ndjenja prek, sa zemra përkund.

Sa yje të rrëzuar mund ti ngresh lart,
dhe hënës së kërrusur ti ndezësh miqësinë,
Se aty ku ndizet ndjenja, ndizet edhe shpirti,
e kur ndizet shpirti, gjen dhe dashurinë.

Mos më vështroni në atë mënyrë..të dashurit e mi
sikur.... keni frikë për të ardhmen tuaj....
Unë asnjëherë nuk dyshova në aftësitë që keni,
Vec pakëz më shumë tolerancë kërkoj, nga kjo....zemra juaj !

Silvana Berki:Pakëz më shumë tolerancë ! 196065_3662499914746_2009101789_n

Silvana Berki:Pakëz më shumë tolerancë ! 196065_3662499914746_2009101789_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30