Presidentja priti deputetët që shpallën Deklaratën Kushtetuese të 2 korrikut

nga **Agim Gashi** Mon Jul 02, 2012 6:31 pm

Presidentja priti deputetët që shpallën Deklaratën Kushtetuese të 2 korrikut

Presidentja e Kosovës, Atifete Jahjaga ka pritur në një takim sot deputetët e Kuvendit të Kosovës që shpallën Deklaratën Kushtetuese të 2 korrikut 1990.
Në një takim të përzemërt, Presidentja Jahjaga uroi deputetët e pranishëm për përvjetorin e Deklaratës Kushtetuese dhe tha se ata do ta gëzojnë respektin dhe do te jenë pjesë e të gjitha organizimeve me karakter shtetëror që i organizon Zyra e Presidentes.Ajo çmoi lart kontributin e deputetëve të cilët shpallën Deklaratën Kushtetuese, në një kohë shumë të rëndë, miratuan edhe Kushtetutën e Kaçanikut më 7 shtator 1990, si dhe ndërmorën një varg veprimesh të tjera në funksion të organizimit të jetës institucionale të shqiptarëve në Kosovës, pas okupimit nga Serbia.
Presidentja Jahjaga theksoi se veprimi i këtyre deputetëve dhe zhvillimet e mëvonshme mundësuan organizimin e jetës në Kosovë, si dhe fitimin e përkrahjes ndërkombëtare, në të gjitha fazat, deri te lufta e armatosur e UÇK-së dhe shpallja e pavarësisë së vendit.
Deputetë të Kuvendit të Kosovës, që shpallën Deklaratën Kushtetuese, 22 vjet më parë, e falënderuan Presidenten për takimin dhe për kujdesin ndaj tyre.
Një fotografi e përbashkët e deputetëve me Presidentin, në hyrjen e Kuvendit të Republikës së Kosovës, aty ku u shpall Deklarata Kushtetuese, shënoi përmbylljen e takimit, thuhet në njoftimin e Presidencës.
* * * * *
Presidentja e Kosovës, Atifete Jahjaga pret në një takim sot deputetët e Kuvendit të Kosovës që shpallën Deklaratën Kushtetuese të 2 korrikut 1990.

Sot 22 vjet, delegatët e Kuvendit të atëhershëm të Kosovës kishin miratuar Deklaratën e Kushtetuese për pavarësinë e Kosovës.

Miratimi i kësaj deklarate ishte një akt me rëndësi vendimtare për historinë më të re të Kosovës e të popullit shqiptar.

Presidentja priti deputetët që shpallën Deklaratën Kushtetuese të 2 korrikut 02_07_2012_Deputetet_e_3

Presidentja priti deputetët që shpallën Deklaratën Kushtetuese të 2 korrikut 02_07_2012_Deputetet_e_3

Presidentja priti deputetët që shpallën Deklaratën Kushtetuese të 2 korrikut 02_07_2012_Deputetet_e__4

Presidentja priti deputetët që shpallën Deklaratën Kushtetuese të 2 korrikut 02_07_2012_Deputetet_e_5

Presidentja priti deputetët që shpallën Deklaratën Kushtetuese të 2 korrikut 02_07_2012_Deputetet_e__6

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30