LDK-ja kujton heronjtë e saj, Beteja e Loxhës ishte betejë historike

nga **Agim Gashi** Fri Jul 06, 2012 9:20 pm

LDK-ja kujton heronjtë e saj, Beteja e Loxhës ishte betejë historike

Kryetari i Lidhjes Demokratike të Kosovës, dr.Isa Mustafa, bashkë me anëtarë të tjerë të Kryesisë së LDK-së, mori pjesë në manifestimin përkujtimor kushtuar dëshmorëve Rrustem Bruqi, Enver Alaj dhe Lumni Surdulli, të cilët, 14 vjet më parë, ranë heroikisht në altarin e lirisë së atdheut, në Betejën e Loxhës, e cila qe komanduar nga Koloneli Tahir Zemaj.
Pasi i përshëndeti pjesëmarrësit dhe në veçanti familjet Zemaj, Bruqi, Surdulli e Alaj, si dhe pjesëtarët e Betejës së Loxhës, që ishin të pranishëm në manifestimin e sotëm, pastaj invalidët dhe veteranët e luftës dhe familjet e dëshmorëve, Kryetari Isa Mustafa tha se “LDK-ja shpreh respekt shumë të lartë për njerëzit që dhanë jetën në këtë betejë, e cila ishte betejë historike, në të cilën u tregua aftësia institucionale e brigadave tona, e Brigadës 131, 133, 134 e Kolonel Tahir Zemaj, i cili me përkushtimin më të madh iu qas organizimit të luftës, me përkushtimin më të madh e bëri luftën, ashtu siç e bënë me përkushtimin më të madh të gjithë luftëtarët, të cilët ranë në këtë betejë të madhe, në këtë betejë historike, e cila do të jetë e shënuar dhe e respektuar, ashtu siç e ka thënë dhe siç e ka trajtuar Kolonel Tahir Zemaj”.
“Ne kultivojmë respekt shumë të lartë për djemtë dhe vajzat tona, të cilat dhanë jetën për lirinë e Kosovës, për të gjithë ata që morën pjesë në Betejën e Loxhës, për të gjithë ata që morën pjesë në Betejën e Koshares, dhe për të gjithë njerëzit, të cilët kontribuuan në forma të ndryshme. Në atë periudhë kam qenë në Gjermani. Kam pasur rastin të bashkëpunoj shumë ngushtë me Sali Çekajn sa ishte atje, edhe me Rustemin, sepse ka qenë anëtar i fondeve tona dhe ka punuar shumë për grumbullimin e mjeteve, ka punuar shumë për organizimin e luftës. Unë e kam takuar jo shumë larg ditëve kur ai dha jetën për liri, dhe më duket se sot e shoh kur jemi takuar për herë të fundit. Kisha dashtë të takohem edhe me të tjerët, por po takohemi sot bashkërisht këtu për t’i nderuar të gjithë, gjithmonë.
Edhe një herë shpreh respektin shumë të lartë për të gjithë ata që luftuan dhe veçmas për ata që dhanë jetën për liri. Ata janë dëshmorët tanë, janë heronjtë tanë, janë bijtë më të mirë të kombit tonë”, theksoi kryetari Mustafa. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30