Samedin Morina:Xhevë moj Heroinë!

nga **Agim Gashi** Tue Jul 10, 2012 3:55 pm

Samedin Morina:Xhevë moj Heroinë!

Shkuan edhe ata qe ishin para nesh, erdhëm ne, edhe ne do të shkojmë, por veprat e tyre mbesin të pa harruara, të gjalla, të prekshme në çdo cep të trojeve, dashuria e Xheve Lladrofcit shëmbëlltyra, krenaria e njërës ndër femrat më trime deri në lavdi të kohës sonë moderne! Dashuria e saj ndaj Fehmiut feniks i lirisë, dashuria e saj ndaj Atdheut ku robëria ia kishte zënë pamjen si një perde me ngjyrën e korbes së tërbuar, vetëm kur ajo u kyç herët nën uniformën e kamufluar të Ushtrisë Çlirimtare të Kosovës i kishte ardhur pamja e shkelqimit ashtu siç vërehet nëpër fotografit e pakta. Secilën fotografi kur e shikon ajo flet me ne, pamja e syve të saj ta kujton çdo cep të trojeve shqiptare: të një shkëlqimi po ashtu siç shkëlqen Çamëria, Lugina e Preshevës, dhe cila pjesë tjetër jo, qe të gjitha i sheh në kokrrat e syve të saj!

Xheve Lladrofci, luftëtare e kohës sonë moderne, Heroin kurrë e pa vjetruar!
Xheve Lladrofci, dashuria më sublime e t’ qenit e dashuruar me tërë qenien e saj komplekse ndaj Fehmiut Kolosal!
Xheve Lladrofci, e lumtur pran burrit të vet të martuar, tani në varr për plot heroizëm e përqafuar!
Cilat zemra prej qiftesh të dashuruar s’ do të kishte dëshirë s’ paku ta vizitonte varrin e tyre duke ecur dora dorës me një buqetë trëndafilash natyrale.
Cilat zemra në natën e parë të martesës nuk do ta imagjinonte dashurin e Xheves e Fehmiut ashtu të pastër si ai lot i mërgimtares/it.
Cili shqiptar nuk do të uronte për lindjen e parë, po i leu djalë ti ngjan Fehmiut, dhe po i leu vajzë ti ngjajë Xhevës.
Cili mërgimtar nuk do ti kujtonte sa herë të vijë në pushime Xhevën dhe Fehmiun, sepse edhe ata te dytë ishin mërgimtarë!

Xhevë moj heroinë
Fitove pavdekësinë

Të shkruash për Xheve e Fehmi Lladrofcin e të mos e kujtosh edhe Shotë e Azem Galicën është njësoj sikur ta shikosh vetëm një pjesë të copëtuar të trojeve tona, kohërat ndryshojnë e ideali i njëjtë mbeti, dhe i tillë po vazhdon në secilën zemër shqiptare.

Shqipëri të qofsha falë
Më ke bijë e të kamë
Nënë!

Ndalohet kopja pa lejën e Libri Donkishoti-t!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30