Dell: Surroi i zvarritej Thaçit për postin e presidentit

nga **Agim Gashi** Wed Jul 11, 2012 8:04 pm

Dell: Surroi i zvarritej Thaçit për postin e presidentit

Ambasadori amerikan, Christopher Dell, ka bërë publike detajet për lojërat politike që u zhvilluan në garë për postin e presidentit në vitin 2010 dhe 2011.

Dell thekson se plani i AAK-së ishte që të realizojnë opsionin e tyre që Ramush Haradinaj të vijë në postin e kryeministrit, kurse Hashim Thaçi të bëhej president.

Por, sipas tij, njëkohësishtishte Veton Surroi ai që hapur i kishte shprehur ambicien duke iu lutur Hashim Thaçit që t’ia jepte postin e presidentit.

Pas bërjes publike të opinionit të Gjykatës Kushtetuese të Kosovës se presidentja Atifete Jahjaga duhet të qëndrojë në krye të shtetit një mandat të plotë, deri në 2016, Ambasadori, Christopher Dell mendon se presidentja Atifete Jahjaga e ka bërë një punë të shkëlqyeshme në kthimin e rolit të Presidencës në atë që është paraparë sipas Kushtetutës.

Ai thotë Jahjaga e ka korrigjuar baraspeshën ndërmjet institucioneve, duke i dhënë fund rivalitetit institucional që ka ekzistuar më herët.

Sipas tij, në të kaluarën rivaliteti institucional ka ndodhur në dy forma: “Njerëzit kanë tentuar ta përdorin Presidencën për të krijuar një degë alternative ekzekutive ndaj kryeministrit dhe kjo pati krijuar tensione të shumta brenda strukturave qeverisëse. Por, kjo tendenca e dytë që, fatkeqësisht, është ende e gjallë në partitë politike, është që Presidenca të përdoret si një figurë në një lojë më të madhe shahu për të shkaktuar zgjedhje të parakohshme dhe krijim të qeverive të reja. Një pjesë e reagimeve negative që kemi parë ndaj vendimit të Gjykatës dhe këto nga partia AAK, janë se kjo e ka prishur lojën e shahut që kanë dashur ta luajnë: ta sjellim Ramush Haradinajn në postin e kryeministrit, duke e shtyrë Hashim Thaçin në Presidencë në një të ardhme të afërt”, ka thënë Dell në një intervistë për “Kosova Sot”.

Ambasadori Delli gjithashtu ka bërë publik një detaj interesant të periudhës së fund vitit 2010, para zgjedhjes së presidentit, duke rrëfyer përpjekjet e Surroit për të bindur kreun e PDK-së, Hashim Thaçin, që t’ia jepte këtë post.

“Më duhet t’ju them se një veprim që më ka bërë të ndihem i ndotur duke qenë dëshmitar i tij ka qenë kur e kam shikuar Veton Surroin të zvarritet para kryeministrit duke e lutur të bëhet president. Kjo ka ndodhur në shtëpinë time, në fund të tetorit apo në fillim të nëntorit”, ka thënë ambasadori Dell.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30