Dorëzohet Mimoza, paralajmëron ndryshimin e vendimit

nga **Agim Gashi** Thu Jul 12, 2012 6:54 pm

Dorëzohet Mimoza, paralajmëron ndryshimin e vendimit

(I plotësuar) Ministrja e Tregtisë dhe e Industrisë Mimoza Kusari -Lila paralajmëroi mundësinë e ndryshimit të vendimit të tarifës prej 35 për qind për importimin e çimentos nga Shqipëria.

Seanca e Kuvendit të Kosovës që kishte në rend dite interpelancën e ministres së Tregtisë e Industrisë Mimoza Kusari Lila u ndërpre për shkak të mungesës së kuorumit për të marrë një vendim të ligjshëm lidhur me shfuqizimin e vendimit të saj të vendosjen e tarifës prej 35 për qind për importimin e çimentos nga Shqipëria.

Para kësaj, ministrja e Tregtisë dhe e Industrisë Mimoza Kusari Lila paralajmëroi ndryshimin e vendimit të vet.

Iniciuesi i interpelancës, Emin Gërbeshi, i cili është deputet i AKR-së, ka thënë se ky vendim është i pafalshëm dhe është antishqiptar dhe kërkoi shfuqizimin e tij menjëherë.

Seanca e ndërprerë do të vazhdojë nesër.

* * * * *
Vendimi për tarifën e çimentos i bazuar në ligjet ekzistuese
Vendimi për vendosjen e tarifës prej 35% për importin e çimentos është i bazuar në ligjet ekzistuese që janë miratuar nga vet Kuvendi, ka thënë ministrja e Tregtisë e Industrisë Mimoza Kusari Lila, në interpelancën e saj të kërkuar nga grupi i deputetëve nënshkrues.
Iniciuesi i interpelancës, Emin Gërbeshi nga partia e vet ministres, ftoi deputetët të shfuqizojnë vendimin i cili sipas tij përveç që është joligjor është edhe fyes dhe antikombëtar.

* * * * *

Në seancën e sotme, e fundit në sesionin pranveror, të Kuvendi të Kosovës, si rëndom, fillimisht do të shterohen deklarimet jashtë rendit të ditës dhe pyetjet parlamentare për punën e Qeverisë së Kosovës.

Në vazhdim do të shqyrtohet për herë të dytë Projektligji për ndryshimin dhe plotësimin e Ligjit nr. 04/L 079 për Buxhetin e Republikës së Kosovës për vitin 2012. Për herë të dytë, ndërkaq, do të shqyrtohet edhe Projektrregullorja e Kuvendit të Republikës së Kosovës.

Ministrja Mimoza Kusari-Lila paraqitet në interpelancë lidhur me vendimin e marrë nga MTI për vendosjen e tarifës prej 35 % çimentos nga Shqipëria. Interpelanca mbahet sipas kërkesës së grupit të deputetëve nënshkrues.

Në vazhdim të seancës do të shqyrtohen: Raporti i dytë për zbatimin e Planit të Veprimit të Kuvendit të Kosovës për integrim evropian për vitin 2012, Raporti vjetor të punës i Autoritetit Rregullator të Telekomunikacionit, për vitin 2011, si dhe Raporti vjetor dhe pasqyrave të audituara të Trustit të Kursimeve Pensionale të Kosovës, po për vitin e shkuar.

Në të njëjtën seancë, sipas kërkesës së deputetëve nënshkrues, do të zhvillohet debat parlamentar lidhur me përdorimin e tri kodeve të huaja telefonike në Kosovë.

Si pika të fundit të rendit të ditës së seancës së fundit të Sesionit pranveror do të jenë: shqyrtimi i parë i Projektligjit për shfrytëzimin, administrimin dhe mirëmbajtjen e ndërtesës në bashkëpronësi, si dhe shqyrtimi i rekomandimit të Komisionit ad hoc për përzgjedhjen e kandidatëve për anëtarë të Këshillit të Komisionit të Pavarur për Media.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30