AKR shkarkon Emin Gërbeshin

nga **Agim Gashi** Fri Jul 13, 2012 7:29 pm

AKR shkarkon Emin Gërbeshin

AKR shkarkon Emin Gërbeshin Emin_Gerbeshi

Emin Gërbeshi, ai i cili u ngrit kundër vendimit të ministres Mimoza Kusari-Lila, për 35 për qindëshin e tarifës për çimenton është shkarkuar sot.
Këtë e bënë të ditur Aleanca Kosova e Re, përmes një komunikate të dërguar medieve.
“Në mbështetje të kompetencave dhe përgjegjësive të parapara me Statutin e Aleancës Kosova e Re, neni 30 dhe 31, dhe në konsultim me kryesinë e ngushtë të partisë, për shkak të mosrespektimit, në vazhdimësi, të Statutit dhe të parimeve programore të AKR-së, mosrespektimit të qëndrimeve të Grupit Parlamentar, ofendimeve dhe shpifjeve publike dhe të vazhdueshme ndaj kolegëve marr vendim për përjashtim të z.Emin Gërbeshi, nga Aleanca Kosova e Re”, thuhet në njoftim.

“I njëjti përjashtohet edhe nga Grupi Parlamentar i Koalicionit për Kosovë të Re. Obligohet Kryetarja e Grupit Parlamentar të ndërmarrë procedurat për zëvendësimin në Komisionet Parlamentare të Kuvendit të Kosovës”, vazhdon njoftimi.
Deputeti i AKR-së, Emin Gerbeshi para disa ditëve kishte kritikuar ashpër ministren Mimoza Kusari-Lila për vendimin për t’i vënë taksë të lartë doganore çimentos nga Shqipëria.
Nëse ministrja nuk e tërheqë vendimin, ai ka thënë se nuk do të lënë gurë pa lëvizur derisa Kusari-Lila të shkarkohet.
“Ne do bëjmë presion nëpërmjet nënshkrimeve të deputetëve, ngritjen e mocioneve, do të kërkojmë interpelancë dhe një mosbesim në fund të fundit, ndaj saj dhe nëse kryeministri nuk e tërheqë, atëherë do të kërkojmë mocion votëbesimi edhe ndaj Qeverisë”, kishte thënë Gerbeshi./Indeksonline/

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30