Zhduket në Francë poeti Ali Podrimja

nga **Agim Gashi** Fri Jul 20, 2012 5:57 pm

Zhduket në Francë poeti Ali Podrimja

Paris, 20 korrik – Medie në Kosovë kanë njoftuar sot se me poetin Ali Podrimja janë ndërprerë lidhjet që nga e marta. Ai ishte ftuar në festivalin e poezisë “Vox de la Mediterranii” në qytetin Lodeve në Francë. Shkrimtarja Ilire Zajmi, po ashtu e ftuar në këtë manifestim poetik, para pak çastesh ia konfirmoi “Kohës Ditore” se që nga ajo ditë nuk e kishte parë dhe se tashmë policia franceze ka shpërndarë fotografinë e tij me kërkesën që të njoftohej për vendndodhjen e tij.

“Është e vërtetë. Ai nga e marta është zhdukur. Policia dhe ambasada jonë këtu dhe po merren me rastin. Në qytet janë shpërndarë posterë me fotot e tij”, i ka thënë ajo “Kohës...” përmes një mesazhi me telefon.

Artan Behrami, këshilltarë i ministrit të Punëve të Jashtme të Kosovës, Enver Hoxhaj, u tha medieve se Ambasada e Kosovës në Paris ka kërkuar menjëherë nga autoritetet franceze që të ndërmerret gjithçka është e mundur për të identifikuar vendndodhjen e poetit.

“Ministri i Punëve të Jashtme, Enver Hoxhaj, i shqetësuar shumë për këtë ngjarje, ka kontaktuar MPJ-në e Francës dhe ambasadorin francez në Kosovë, Jean Fraçois Fitou dhe ka kërkuar që të bëhet gjithçka për gjetjen e vendndodhjes së poetit Podrimaj”, citon Kosova Times këshilltarin Behrami

MPJ u ka bërë thirrje të gjithë qytetarëve kosovarë dhe francezë, që gjenden në Francë, e që kanë ndonjë informatë për vendndodhjen e poetit Ali Podrimja, të njoftojnë Ambasadën e Kosovës në Paris, autoritetet franceze apo MPJ-në e Kosovës.

Të afërmit, shokët dhe kolegët e tij pohojnë të mos kenë vënë re ndonjë simptomë të sëmundjes së harresës në poetin Ali Podrimja.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30