Trupi i pajetë i Ali Podrimjes kthehet në atdhe të mërkurën

nga **Agim Gashi** Mon Jul 23, 2012 11:49 am

Trupi i pajetë i Ali Podrimjes kthehet në atdhe të mërkurën

Prishtinë, 22 korrik – Trupi i pajetë i poetit të njohur kosovar Ali Podrimja do të kthehet në Kosovë të mërkurën, më 25 korrik. Lajmin e ka konfirmuar për gazetën ambasadori i Kosovës në Francë, Muhamedin Kullashi. Atij i kanë premtuar autoritetet franceze se deri të martën do të përfundojnë procedurat mjekoligjore, të cilat do të zbulojnë shkaqet e vdekjes së shtatëdhjetëvjeçarit. Familjarët e poetit po presin që Podrimja të varroset në Prishtinë, një ditë pasi që trupi i tij të vijë nga qyteti Lodève i Francës.

Podrimja ishte gjendur i vdekur në një pyll në anën perëndimore të këtij qyteti të vogël e të qetë francez, diku rreth 4 kilometra në vijë ajrore nga qendra e Lodèves. Atje Podrimja kishte shkuar për të marrë pjesë në edicionin e 15-të të festivalit të poezisë “Voix de la Méditerranée” (Zërat e Mesdheut).

Ambasadori i Kosovës në Francë, Muhamedin Kullashi, ka thënë se autoritetet franceze po zhvillojnë të gjitha procedurat e parapara ligjore dhe se deri të martën pritet të dalin me raportin mjekoligjor për rrethanat e kësaj ngjarjeje.

“Të mërkurën pasdite është paraparë kthimi i poetit Ali Podrimja në Kosovë. Kjo është ajo që dimë ne”, ka thënë ambasadori. Ai ka konfirmuar se në trupin e pajetë të poetit të madh kosovar nuk ka pasur shenja të dhunës, lëndimit apo agresionit, që e ka bërë policinë franceze të konstatojë paraprakisht se bëhet fjalë për vdekje natyrale.

Djali i poetit, Petrit Podrimja, i cili kishte udhëtuar në Francë nga Holanda, po asiston në koordinimin e procesit të kthimit të të atit në vendlindje. E djali tjetër, Dren Podrimja, i cili jeton në Prishtinë, ka thënë se të atin po planifikojnë ta varrosin në varrezat e kryeqytetit, një ditë pasi që trupi i pajetë i tij të ketë mbërritur.

“Me detajet atje është duke u marrë edhe Petriti. Ne po shpresojmë që të enjten apo më së largu të premten ta varrosim të ndjerin”, ka thënë Dreni.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30