Lazim Dstani:Na shtangu ikja e Ali Podrimjes-Letër ngushëllimi

nga **Agim Gashi** Tue Jul 24, 2012 4:30 pm

Na shtangu ikja e Ali Podrimjes

Letër ngushëllimi

Nga Lazim Destani

Lazim Dstani:Na shtangu ikja e Ali Podrimjes-Letër ngushëllimi Destani-300x164

Z. Lazim destani

Lajmi mbi ikjen e Ali Podrimjes na shtangu e na bëri të ndjejmë dhembje e boshllëk në zemrat tona. Në këto momente i përcjell ngushëllimet e mia dhe solidarizohem me familjen e Ali Podrimjes e cila po kalon ditë të vështira. Me këtë rast, ngushëllimet e mia ia shpreh dhe Akademisë së Shkencave dhe Arteve të Kosovës, ku Podrimja ishte anëtar i rregullt i saj, si dhe botës së letrave shqipe që humbën një pjesë nga trupi i tyre. Shuarja e Podrimjes është një humbje e madhe jo vetëm për familjen, miqtë dhe letërsinë por edhe për kulturën tonë kombëtare në përgjithësi, pra u shua ylli i poezisë, që deri në frymën e tij të fundit, u këndoi vuajtjeve, qëndresës, heroizmit dhe lirisë së Kosovës.

Për më se gjysëm shekulli aktivitet krijues Podrimja kaloi nëpër shumë shtigje jete duke lënë te të afërmit, miqtë, bashkëkombasit e më gjerë, krenarinë dhe kujtimet më të bukura për të. Mbi të gjitha, krijimtaria e tij do të mbetet një vlerë e lartë artistike, një model i lartë poetik për poetët dhe kulturën tonë kombëtare, ndërsa virtytet e larta njerëzore të tij do të mbeten përgjithmonë në kujtesën e të gjithëve që e njohën atë.

Zoti e mëshiroftë të ndjerin, u prehtë në qetësi shpirti i tij.

Lazim Destani

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30