KOSOVA I DHA LAMTUMIRËN POETIT ALI PODRIMJA

nga **Agim Gashi** Thu Jul 26, 2012 8:56 pm

KOSOVA I DHA LAMTUMIRËN POETIT ALI PODRIMJA

Kosova i dha lamtumirën poetit të mirënjohur dhe akademiku Ali Podrimja. Ai u varros në Prishtinë, derisa mijëra veta bën homazhe dhe nderuan veprën e tij....
Në emër të Akademisë së Shkencave gjatë ceremonisë së varrimit foli Ali Aliu, i cili tha se populli që lind poetë të mëdhenj si Ali Podrimja, është popull me fat.

Ndërsa Bastri Çapriqi, drejtor i Pen Qendrës, tha se lajmi për vdekje e poetit të madh Ali Podrimja, ka dridhur shqiptarët kudo që janë, pasi që për një gjysmë shekulli lexuesit e poetit Podrimja u mësuan të shohin fatin në vargjet e tij, të shërojnë dhimbjen me fjalët e tij dhe ta fisnikërojnë shpirtin me humanizimin e poezive të poetit Podrimja.
Ndërsa, nipi i Ali Podrimjes, Genti Salihu, tha se e adhuronte gjyshin e tij fshehurazi. Ai foli për gjyshin Ali Podrimja, për tregimet dhe energjinë e tij të hatashme, e cila e përcolli gjatë tërë jetës.
Ali Podrimja ndërroi jetë në Francë, ku po merrte pjesë në një festival të poezisë. Autoritetet franceze kanë njoftuar se poeti Podrimja pati një vdekje të natyrshme.
Ali Podrimja lindi me 1942 në Gjakovë ku edhe kaloi rininë. Studjoi gjuhë dhe letërsi shqiptare në Universitetin e Prishtinës. Periudha vendimtare për formimin shpírtëror dhe intelektual të poetit janë vitet pesëdhjetë. Më 1957 botoi poezinë e parë në revistën ”Jeta e Re”.

Rrethanat e vështira politike gjatë viteve ´60 dhe ato familjare më pas, kanë lënë gjurmë të pashlyeshme në poezitë e tij. Vdekja e të birit, Lumit, rezultoi me veprën më të bukur të tij gjer më sot, Lum Lumi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30