Namik Selmani:Baladë për Ali Podrimen

nga **Agim Gashi** Thu Jul 26, 2012 11:37 pm

Namik Selmani:Baladë për Ali Podrimen
Duke ndjekur ceremoninë mortore te varrimit të poetit Ali Podrimja në Prishtinë

Namik Selmani:Baladë për Ali Podrimen 59varrimi-ali-podrimes-260712-1

1.
Ooo, breeeee, s’po më hykan sot në sy Ejfeli e Sena kaltërore
Për ty, Bacë, sytë m’i mrroli pikëllueshëm dhimbja
Po ku je, ta marrim sërish lumnueshem fjalëshqipen për dore?
E të gjithëve të na thërrasë në kullë nga mot RILINDJA.

2.
Ta donim fjalën –PËLLUMB ta hidhnim në Qiellin e Paqes
Të na jepte gazmendin e madh rtë dasmave të çikave e djemve
Ta donim këngën të lisnajtë me fjalët habertare
Për grunjërat e korra, lulërimin e barit e zbardhjen e netëve

3.
Të donim kapiten të patutur në Anijen tonë të Fjalës.
E plagët e moteve të na i thaje gjer në koren e fundit
Për ty, ndezur do t’i mbajnë zjarret në oda tymtarët.
E fjalën-AMANET do ta mbjellim në pragun e katundit

4.
Lumi po të pret i heshtur te Dera e bardhë e Parajsës
E pikëloti po i derdhet mbi faqe, bash si lumë, si ortek
Në qiellin e trishtë të Prishtinës na plumbon gjerbimi i kafes
E dielli për ty fytyrën klithshëm të duart po i fsheh

5.
Shpirtit çam po i plasaritet kurmi mes ullinjve të pavjelur
Mes kukamës së mortit qiellit po i thyhet brinja
Oooo, ku je Bacë, një varg ka mbetur jetim, i heshtur.
E fjala-BAJRAK kërkon bardin e aedin Ali Podrimja

6.
Gjogu i Fjalës mentare kërkoka mes mallit si bir të të puthë
Mbi plismortin po na jep të gjithëve një kordele kujtese
T’u baftë fjala LUMË a krua kristalor që zbret prej bjeshke
E tupan Sharri të na zgjojë vrullshëm me mijëra amanete

7.
Hej, Baca Ali!
Grykë më grykë ta rrokim vargun
E tokës sonë t’i japim dritë, dritë
Nga muzgu në agim!

Tiranë, 26 korrik 2012

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30