Autori i vrasjes në Lozanë është shqiptar

nga **Agim Gashi** Wed Aug 08, 2012 3:07 pm

Autori i vrasjes në Lozanë është shqiptar

albinfo.ch

Autori i vrasjes në Lozanë është shqiptar Stopviolence

E përditshmja frankonfone “Le Matin” bën të ditur se autori i vrasjes në Lozanë, e cila ndodhi para një diskoteke ishte shqiptar.

Dje në Lozanë, 400 persona ngushëlluan babain e djalit të familjes nga Kap-Verdi, i cili u vra nga një shqiptar gjatë një grindjeje të shtunën e kaluar në Lozanë.

Familja e të ndjerit bënë thirrje për qetësi.

"Ne nuk jemi këtu për hakmarrje, por për paqe.", thonë familjarët.

Me zë të qetë, xhaxhai i Luisit të ndjerë, një 30-vjeçar i vrarë me thikë në mëngjesin e së shtunës së kaluar, mbajti një fjalim në fund të një marshi të qetë në Lozanë. Marshi kishte filluar 45 minuta më parë, në sheshine e Evropës në qendër të Lozanës, ku edhe viktima nga Cape-Verdi , baba i dy fëmijeve, vdiq pasi doli dal nga diskoteka.

I ardhur nga Parisi, xhaxhai i foli në emër të familjes.Shumë pjesëmarrës ishin veshur me fanella me mbishkrimet: "Stop dhunës". Të mbledhurit para selisë së Këshillit të Shtetit të Vaud-it mbajtën një minutë heshtje . "Të gjitha këto tragjedi për shkak të alkoolit apo drogave nuk mund të vazhdojë më kështu", tha ndër tjera xhaxhai i të ndjerit për të përditshmen “Le Matin".

Sipas “Le Matin” pritet të ketë tensione në mes të dy komuniteteve, por gazeta shkruan se ka shpresa të dëgjohet mesazhi i paqes. Të njëjtën e dëshirojnë edhe të komunitetit shqiptar. Sepse në sytë e shumë njerëzve krimi i kryer është vazhdimësi e një rastit që pati ndodhur në vitin 2010 në Martigny (Walis), në të cilin një person nga Kap-Verdi qëlloi me vdekje një qytetar shqiptar. “Prej asaj kohe ka fërkime në mes dy komuniteteve", raporton “Le Matin”.

Tre ditë pas tragjedisë, rrethanat dhe motivet e kësaj ngjarjeje mbeten të paqarta.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31