Mentor Thaqi:AH, ILIRI,ILIRI ...

nga **Agim Gashi** Fri Aug 10, 2012 11:15 am

Mentor Thaqi:AH, ILIRI,ILIRI ...

Ah, plagë shpirti, o Iliri
në gjatësi Toke, botë në vete,
nga Mollosia në atë Isri,
një Kapitull Epoke, kuptimsi jete!

Nga Spalatio në Raguzë,
diku poshtë n´ballë shoh Kotorrin,
ky rrugëtim m´la me vajë n´buzë,
aty Risanit ia bëmë vorrin!

seç mu duk që pashë Teutën,
n´dorë Parzmoren e Agronit,
m´tha sa keq paskëshim ndalë luftën,
thyem kodin e Gencit-Batonit!

Nuk pashë kund Lulen Teutë
atë t´kalktërten Illirikum-Echinacea,
u egërsua shpirtëimi i butë,
syshë më humbi dhe Dulcinea!

Ah! Më ndje o Hyu ImZot,
kam një ngushtim që don t´më plasë,
sa u t´kurrëm, u zvogluam sot!
As shëntërinë vallë s´e kemë n´Shas?

Mentor Thaqi Ulqin, 08.08.2012

ILIRI E SHKAPËRDERDHUR
(një alternativë paksa më ndryshe)

n´veri e jug
një gjysmë bote e vjetër,
gjysma tjetër
hija jote e vrarë,
mbetur
veç n´letër
për mall,
etnikumit tim
i patharë
ai gjak në ballë

itinerari im
u shëmtua dukshëm,
Istrias përskajë

kokën
plot mëri
Raguza nxorri,
n´kapërthuerje
me vetveten,
legjendat (s)iu treten

Lule Teutën
s´e gjeta n´Risan,
kaltërsia
e murrme qe bërë,
shkelur e stërshkelur
nga ushtarë të huaj

Antivar e Dulcinea
me kufi t´prerë
n´mes,
as i peshoj,
as i mas,
dhimbja m´shitoi
e don t´më plasë

Shas e Shkodër
plagë në mes,
vrragën
e lëngimit
n´zemër,
ndarja u bë ves,
tjetërsisht
mori dhe emër!

Ulqin, 08.08.2012

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30