Sabit Rrustemi:ISHTE 13 GUSHTI 1984(sime bijë, Gresës, si një urim për ditëlindjen e saj)

nga **Agim Gashi** Mon Aug 13, 2012 1:48 pm

Sabit Rrustemi:ISHTE 13 GUSHTI 1984

(sime bijë, Gresës, si një urim për ditëlindjen e saj)

ishte e hënë
mëngjes gushti

në spitalin e Gjilanit
tek reparti i lindjeve
një mantelbardhë
më skuqi përmes një lajmi

i buzëqesha përlotshëm
pa i a thënë dhe një fjalë

as e pyeta në është vajzë
a djalë

vetëm një zë
pëshpëriti brenda meje
fëmija yt i parë
...

ti hyre në jetën tonë
përmes vajit të rëndomtë të një bebeje
për ta jetuar jetën tënde

urimet dhe lutjet ma t' mira
atë ditë
patën vetëm një adresë

dhe buzëgazi ynë

s'di si ta përshkruaj atë mbresë
as tash pas kaq vitesh
kur ti u rrite
dhe solle në jetë
fëmijën tënd të parë

mund të më kuptosh ma lehtë dhe mua
dhe nënën tënde
që të ndjeu e para
që të preku
të mori në gji

tash krejt i di...

dhe asnjë fjalë
asnjë urim
nuk mund të jetë më i ngrohtë
më i dashur
as ma i bukur

përveç asaj dhurate hyjnore
që thithë tëndin gji
...

dhe sot është po ajo datë
po ajo ditë

ndryshon vetëm viti

është 2012 -ta
me një shekull pavarësi

urime urime imja bijë
një jetë ashtu si e deshe
dhe një mal dashuri

( 13 Gusht 2012 )

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30