Greqi: Vritet një emigrant shqiptar

Greqi: Vritet një emigrant shqiptar



Athinë - Një emigrant shqiptar është qëlluar me pistoletë brenda në makinën e tij. Ai ka gjetur vdekjen e menjëhershme, ndërsa policia po punon për zbardhjen e kësaj ngjarje të rëndë. Dy janë pistat e hetimit, vrasje për larje hesapesh mes bandash ose vrasje për motive të dobëta. Siç i kanë thënë policisë dëshmitarët, në mëngjesin e së hënës disa të shtëna janë dëgjuar në lagjen Kipseli të Athinës. Dy persona kanë qenë duke biseduar në një makinë. Më pas personi që ishte ulur në vendin e pasagjerit, ka qëlluar mbi shoferin e mjetit. Mësohet se 30 vjeçari, emri i të cilit ende nuk dihet, ka marrë plagë në bark dhe i përgjakur ka tentuar të dalë nga makina, por agresori e ka ndjekur duke e qëlluar edhe disa herë të tjerë me pistoletë, duke e lënë të vdekur. Policia thonë se është vënë në ndjekje të vrasësit.