Besimtarët mysliman në Kosovë, festojnë Fiter Bajramin

nga **Agim Gashi** Sun Aug 19, 2012 12:26 pm

Besimtarët mysliman në Kosovë, festojnë Fiter Bajramin

Besimtarët myslimanë po festojnë Fitër Bajramin. Edhe në Kosovë, qytetarë të shumtë në orët e hershme të ditë së sotme janë mbledhur në Xhaminë e Madhe – Sulltan Mehmet Fatih, në Prishtinë, për të falur Namazin e Bajramit.Besimtarëve myslimanë u është drejtuar myftiu i Kosovës, Naim Tërnava, i cili ka kërkuar nga qytetarët kultivimin e tolerancës, dashurisë ndër-njerëzore dhe të humanitetit.

“Shoqëria jonë ka nevojë për themele të shëndosha dhe duhet të ngrihet mbi bazën e punës së ndershme. Shoqëria jonë si asnjëherë deri më parë tash ka nevojë për vlera të mirëfillta shpirtërore. Prandaj, duke shfrytëzuar këtë rast, në këtë ditë të shenjtë, dhe ky vend i shenjtë, i ftoj besimtarët tanë, të gjithë njerëzit e vullnetit të mirë që të bashkëveprojnë drejt ndërtimit të një shoqërie të shëndoshë të pastër e të ndershme dhe të mos lejojmë që në mesin tonë të depërtojë virusi degjenerues e devalvues”, ka thënë para besimtarëve myslimanë, Tërnava.

Besimtarët mysliman në Kosovë, festojnë Fiter Bajramin Naim-ternava-19g

Besimtarët mysliman në Kosovë, festojnë Fiter Bajramin Naim-ternava-19g

Tërnava ka thënë se festa e Fitëer Bajramit është e një rëndësie të veçantë për besimtarët që kanë agjëruar Muajin e Ramazanit, dhe që kanë shprehur përkushtim ndaj Krijuesit të Gjithësisë.

Ai ka bërë thirrje për solidaritet e bamirësi.

“Në mesin tonë kemi shumë jetimë, familje të varfra, skamnorë që nuk kanë ushqim ditor të mjaftueshëm, andaj së paku në këtë ditë feste të tregojmë se ne vetë jemi solidarë dhe t’i ndihmojmë nevojtarët”, është shprehur Tërnava.

Myftiu i Kosovës, Naim Tërnava, derisa ka uruar qytetarët me rastin e Fitër Bajramit, ka uruar edhe për procesin e përmbylljes së pavarësisë së mbikëqyrur dhe për njëqindvjetorin e pavarësisë së Shqipërisë.

“Përmes kësaj feste, ju uroj për njëqindvjetorin e pavarësisë së Shqipërisë dhe përfundimit të pavarësisë së mbikëqyrur të pavarësisë së Kosovës. Zoti na ndihmoftë në realizimin e të gjitha dëshirave tona”, ka uruar myftiu Tërnava.

Besimtarët mysliman në Kosovë, festojnë Fiter Bajramin Festojne%20Fiter%20Bajramin

Besimtarët mysliman në Kosovë, festojnë Fiter Bajramin Festojne%20Fiter%20Bajramin

Me rastin e Fitër Bajramit qytetarët i kanë uruar edhe udhëheqësit e vendit. Presidentja e Kosovës, Atifete Jahjaga, në mesazhin e saj ka thënë se “në këtë ditë feste dhe gëzimi, uroj që të jeni të lumtur e të bashkuar dhe të festoni me familjarët, miqtë dhe më të dashurit tuaj, me të mirat dhe begatitë, që ua ka dhuruar Zoti”.

Kurse në mesazhin e kryeministri thuhet: “Uniteti qytetar, harmonia, toleranca ndërfetare dhe ndëretnike është pasuri e Republikës së Kosovës. Kjo festë është një rast për të gjithë ne, si qytetarë të këtij vendi, të ndajmë mes vete gëzimet dhe urimet më të mira, dhe të punojmë për një të ardhme edhe më të mirë për vendin tonë”.

Mesazhe për qytetarët e Kosovës me rastin e kësaj feste ka dërguar edhe kryetari i Kuvendit të Kosovës, Jakup Krasniqi, dhe partitë politike në vend.
Besimtarët mysliman në Kosovë, festojnë Fiter Bajramin Falja-fiter-bajramit1

Besimtarët mysliman në Kosovë, festojnë Fiter Bajramin Falja-fiter-bajramit1

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31