Një i plagosur nga të shtënat me armë në Prishtinë, tek kinemaja ABC

nga **Agim Gashi** Wed Aug 29, 2012 11:12 pm

Një i plagosur nga të shtënat me armë në Prishtinë, tek kinemaja ABC

(I plotësuar) - Të shtënat me armë kanë tronditur qytetarët në rrugën “Rexhep Luci”, ndërsa ka mbetur i plagosur lehtë një person, i cili ka hipur vetë në autoambulancë. Të plagosurit, që sipas policisë është Fisnik Vitija (1982), nuk i është parë ti rridhte gjaku, megjithëse ai ka qëndruar në një karrige pranë rrugës që ia kanë ofruar për një kohë prej 15 minutash deri sa kanë ardhur ambulancat e ndihmës së parë. Dëshmitarët kanë parë të paktën një polic me këmishë të bardhë të ketë ndërhyrë me armë për të çarmatosur grupin e përfshirë në konflikt, ndërsa mendohet se edhe dikush nga civilët e përfshirë në konflikt të ketë qenë polic civil. Nuk ishte i vogël edhe numri i policëve civil që ndihmuan në shuarjen e konfliktit.
Të shtënat kanë filluar rreth orës 12.15 minuta në rrugën Rexhep Luci nën kinemanë ABC, dhe janë dëgjuar rreth 7-8 krisma, që sipas dëshmitarëve besohej të ishin plagosur të paktën dy veta, dhe nuk kanë pushuar për pak minuta as britmat e femrave, që kishin rastisur në kafenenë ku ka filluar incidenti. Rreth orës 12.30 forcat shtesë të policisë e kanë rrethuar vendngjarjes, duke ndërmarrë edhe masat e nevojshme për sigurimin e vendit të krimit.
Ndërkohë arritën në vendngjarje edhe dy autoambulanca, duke marrë njërin nga të plagosurit lehtë dhe një tjetër po ashtu të plagosur lehtë, që ndodhej në kafiteri.
Policia ka konfiskuar dy revole, njëra e cila ruhej në tokë nga disa policë si provë e vendngjarjes, e të cilën i plagosuri në mes të turmës së policëve ka provuar ta merrte, dhe tjetra në veturën Mercedes ML me targa RKS 01 – 710- CO.
I plagosuri është dërguar në QKUK dhe gjendja e tij shëndetësore është jashtë rrezikut për jetën. Në vendin e ngjarjes me shumë vonesë prej gati një ore ka dalur ekipi hetues dhe i forenzikës, edhe pse Qendra e Policisë ndodhet rreth 200 metra larg vendit ku ndodhi krimi.
Por, i habitshëm është fakti se si pas gjithë atyre të shtënave edhe sulmuesit edhe të sulmuarit nuk prangoseshin, vetëm se nuk iu lejohej të largoheshin, ndërsa në vazhdimësi ka pasur dialog ndërmjet policëve civil dhe atyre që morën pjesë në të shtënat me armë.
Policia hetimore ka shënjuar 12 gjurmë, përfshirën revolen dhe veturën xhip Mercedes ML, por sipas këtyre numrave i bie, që minimalisht të kenë qenë 8-9 rokosheta plumbash. BS

Të shtëna me armë tek kinemaja ABC, dy të plagosur

Pak çaste më parë kanë ndodhur të shtëna me armë në rrugën Rexhep Luci ndërmjet disa vetave, ndërkohë që në të shtëna duket të jetë përfshirë edhe policia pohojnë dëshmitarët e rastit. Rreth orës 12.15 minuta në rrugën Rexhep Luci janë dëgjuar pesë-gjashtë të shtëna, duke lënë të plagosur lehtë të paktën dy veta, ndërsa vendngjarja është rrethuar nga një numër i madh policish, duke ndërmarrë edhe masat e nevojshme për sigurimin e vendit të krimit. Dëshmitarët kanë parë të paktën një polic me këmishë të bardhë të ketë ndërhyrë me armë për të çarmatosur grupin e përfshirë në konflikt, ndërsa mendohet se edhe dikush nga civilët e përfshirë në konflikt të ketë qenë polic civil. Nuk ishte i vogël edhe numri i policëve civil që ndihmuan në shuarjen e konfliktit. Ndërkohë arritën në vendngjarje edhe dy autoambulanca, duke marrë njërin nga të plagosurit lehtë dhe një tjetër po ashtu të plagosur lehtë, që ndodhej në kafiteri. Policia ka konfiskuar dy revole, njëra e cila ruhej në tokë nga disa policë si provë e vendngjarjes, e të cilën i plagosuri në mes të turmës së policëve ka provuar ta merrte dhe tjetra në veturën Mercedes ML me targa RKS 01 – 710- CO. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30