Prizren : LDK reagon ndaj anulimit të konkursit për mësimdhënës

nga **Agim Gashi** Thu Aug 30, 2012 10:06 am

Prizren : LDK reagon ndaj anulimit të konkursit për mësimdhënës

Prizren, 29 gusht – Komisioni për arsim i degës së LDK-së në Prizren ka reaguar të mërkurën në lidhje me anulimin e konkursit për mësimdhënës nga ana e DKA-së. Veprimet e fundit të institucioneve komunale, opozitarët i konsiderojnë si lojë që po bëhet më ata që kërkojnë punë në arsim duke konkurruar në respektim të të gjitha rregullave të konkursit.

"574 kandidatë që kanë konkurruar për 23 vende të lira në arsimin prizrenas, po tallen nga Drejtoria e Arsimit, e cila me arsyetime të dyshimta, të denja për hulumtim nga prokuroria, e anulon konkursin. Drejtori i Arsimit në Prizren, në vend se të suspendohet dhe të largohet turpërisht nga detyra për shkak të aferave të vazhdueshme...çuditërisht përkundër kësaj, ai vazhdon edhe më tej ta keqpërdor pozitën zyrtare, duke i mbajtur të fshehta vendet e punës", thuhet në reagimin e degës së LDK-së. Përgjegjësit për sektorin e arsimit në këtë parti opozitare kanë akuzuar drejtuesit e komunës se konkursi është anuluar me qëllim të punësimit të militantëve të partisë në pushtet. "Drejtori i Arsimit në Prizren konkursin për ato pak vende që e shpalli, e anuloi, duke i fshehur pazaret përbrenda kësaj drejtorie për punësime të militantëve të PDK-se si dhe nipave e mbesave të zyrtarëve të partisë në pushtet", thuhet në reagimin e LDK-së.

Ditë më parë drejtoria komunale e Arsimit në Prizren pat anuluar konkursin për pranimin e mësimdhënësve të rinj, me arsyetimin se shumica e kandidatëve kanë konkurruar me përgatitje jo-adekuate profesionale. Sipas drejtuesve të këtij dikasteri të qeverisë lokale, konkursi për këto vende të punës do të rishpallet gjatë kësaj jave, me synimin që të pranohen kuadrot e duhura.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30