Shkup, manifestime në përkujtim të Nënë Terezës

nga **Agim Gashi** Wed Sep 05, 2012 8:17 pm

Shkup, manifestime në përkujtim të Nënë Terezës

Me rastin e 15-vjetorit të vdekjes së Nënë Terezës, Instituti i Trashëgimisë Kulturore dhe Shpirtërore të shqiptarëve në Shkup, organizoi manifestimin “E lumtura Nënë Terezë, lutu për mëkatarët”. Ky manifestim, kushtuar figurës më të madhe që ka dhënë Shkupi dhe shqiptarët, ishte pjesë e aktiviteteve për shënimin e 100 vjetorit të pavarësisë së Shqipërisë. Për jetën dhe veprën e humanistes së madhe shqiptare folën drejtori i Institutit Shefqet Zekolli, akademiku Luan Starova dhe Zëvendësdrejtori i Komisionit për Marrëdhënie mes bashkësive fetare, Anton Sereçi.
“Para 17 vitesh gjatë një vizitë që i bëri presidenti i SHBA-së Bill Klinton shqiptares Gonxhe Bojaxhiu dhe e pyeti se çfarë mund të bëjë për të, ajo pa hezitim i kërkoi: të shpëtosh popullin tim të Kosovës- dhe kjo ishte pushka e parë drejt pavarësisë së Kosovës”, u shpreh Zekolli.
Po kështu dhe akademiku, Luan Starova vlerësoi se “njerëzit e mëdhenj të kalibrit të Nënë Terezës kanë mundur që nëpërmjet fatit njerëzor që populli shqiptar të bëhet më i njohur sesa që është në kufinjt e tij prandaj vlerat universalë që i ka Nenë Tereza janë të rëndësishme për ardhmërinë e popullit shqiptar”.
Ndërsa Sereçi apeloi që “jo vetëm ta përkujtojmë Nënën Terezën në këto çaste por edhe të përpiqemi dhe të veprojmë ashtu siç na ka mësuar Nënë jonë”.
Në këtë manifestim u lexuan edhe poezi të Nënë Terezës si dhe u shfaq një video projeksion i shkurtër nga jeta e saj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30