Me 25 prill në Berlin mbahet Kampionati i diturisë „Berlini 2009“

Me 25 prill në Berlin mbahet Kampionati i diturisë „Berlini 2009“





Nga Kampionati i vitit të kaluar mbajtur në Fulda


Kampionati i diturisë „Berlini 2009“, për nxënësit e shkollës shqipe në Gjermani që organizohet nga KASH në Gjermani, sivjet do të mbahet më 25 prill (e shtunë) 2009, në Berlin. Kampionati i sivjem i diturisë do të mbahet nën patronatin e ambasadës së Republikës së Kosovës e të ftuar janë edhe nga ambasada e Republikës së Shqipërisë. Kampionati i diturisë „Berlini 2009“ do të mbahet sipas këtij programi:
14.00- 18.00 Kuizi i diturisë
18.00 - 19.00 shpërndarja e lavdatave për nxënësit fitues dhe ndarja e mirënjohjeve për ata të cilët e ndihmuan, kontribuan dhe afirmuan shkollën shqipe në Gjermani.
19.00 - 20.00 darka e përgatitur nga nikoqiri.
20.00- 22.00 programi kulturor i përgatitur nga nikoqiri.
Kampionati i diturisë „Berlini 2009“ do të mbahet në këtë adresë: Kant Gymnasium, Bismarks 54, 13585 Berlin/ Spandau
Të gjitha shkollat janë pajisur me materialin e nevojshëm për gara të cilin e ka përgatitur kryesia dhe disa mësues tjerë kurse ky kampionat do të dallojë nga kampionatet e kaluara.
Adem Shala, kryetar