VIKTORIA XHAKO – MOS M’I VRIT ARINJTË E BARDHË! - Roman

nga **Agim Gashi** Sun Sep 23, 2012 9:36 pm

VIKTORIA XHAKO – MOS M’I VRIT ARINJTË E BARDHË! - Roman

-Fragment -

Tregon D.
.....................................................
- I dashur, i dashur, - guiti ajo! – A e ke lexuar “Per Gynt?” –
Ku i shkonte mendja asaj?
-Nuk e mbaj mend se kur e kam lexuar. –
-Je takuar ndonjëherë me Solvejgun? –
Nuk duhej t’i jepja një përgjigje të nxituar. Diçka sillej në kokën e saj dhe duhej të isha i kujdesshëm që të mos e lëndoja padashur.
Futi dorën poshtë jastëkut dhe nxori një libër të vogël. Mbi kopertinë një portret femre jo shumë i rregullt. Ajo që më tërhoqi ishte qafa e saj e gjatë dhe e hollë.
-Është për ty, - tha, -libri im. –
Pastaj vuri gishtin tek fytyra në kopertinë.
-Kjo është Solvejgu. –
-Dhe unë do të jem përherë... –
Nuk më la ta mbaroj fjalën. Mbështeti gjoksin mbi gjoksin tim, futi duart poshtë sqetullave të mia, më puthi duke lëvizur për të gjetur një pozicion të rehatshëm.
-Ti je D. dhe ky do të mbetesh për mua. Sepse D. nuk mund të zhduket kurrë, edhe po të dojë. –
Ajo që tha më pas më la pa fjalë:
-Nëse ndonjëherë ti do të largohesh.... –
Desha ta ndërpres, po ajo vazhdoi qetësisht, duke qëndruar më mirë mbi gjoksin tim:
-...të largohesh, unë dua tani të të them testamentin tim...-
U drodha nga këto fjalë. Sapo isha larguar nga një vdekje, por thellë në shpirt unë ruaja tronditjen e madhe që pësova kur pashë............... (një vdekje tjetër)
Testament, një fjalë që lidhet me vdekjen... Ajo kishte ngritur fytyrën e më shihte pa lëvizur qerpikët.
-Testamentin tim shpirtëror, - vazhdoi.
-Mos të dukem e çmendur? – iu përgjigj shikimit tim. Në atë çast unë ashtu po mendoja për të.

VIKTORIA XHAKO
(ZHORZH SAND)

DIELLI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30