Pacollit i përgatitet kallëzim penal për falsifikim e mashtrim

nga **Agim Gashi** Sun Sep 23, 2012 11:51 pm

Prishtinë, 23 shtator - Zëvendëskryeministri, Behgjet Pacolli, së shpejti pritet të përballet me organet e drejtësisë, nën dyshimin se ka kryer vepër penale përmes falsifikimit të dokumenteve dhe mashtrimit të institucionit shtetëror. “Dosja Pacolli”, tashmë është bërë gati nga Agjencia e Kosovës Kundër Korrupsionit dhe brenda pak ditësh parashihet të procedohet në gjykatë. Zyrtarë brenda AKK-së, kanë konfirmuar për Kohën Ditore se Pacolli ka qenë duke u hetuar për shkak të dyshimeve se kishte ofruar dokumentacion jovalid, gjatë kohës kur hetuesit e agjencisë kanë qenë duke i analizuar disa memorandume që vitin e kaluar ai si njeriu i dytë i Qeverisë i kishte nënshkruar në Nigeri, në emër të bizneseve evropiane.

Faktikisht, Pacolli, asokohe, ka qenë duke u hetuar për konflikt interesi.

Mirëpo tani, sipas burimeve të gazetës, lënda Pacolli ka marr një trajtë krejt tjetër.

“Ndaj Pacollit kanë pushuar hetimet për konflikt interesi. Ai tani është duke u hetuar penalisht për mashtrim dhe falsifikim dhe brenda javës së ardhshme do të ngritet proceduara gjyqësore ndaj tij”, ka thënë një nga zyrtarët e AKK-së. Rastin Pacolli, sipas tij, ka shume gjasa që ta marrë EULEX-i, pasi konsiderohet si rast i rënd.

Për ç’mashtrime e falsifikime akuzohet nga AKK, kur kanë filluar hetimet ndaj Pacollit, sa mund të dënohet ai për këto vepra, a do ta lirojë detyrën e zëvendëskryeministrit dhe për gjëra të tjera lidhur me këto skandale lexoni gjerësisht sot në Koha Ditore.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30