Vetëvendosje: “ Qemajli Travel”, agjencion i ri turistik

nga **Agim Gashi** Sat Sep 29, 2012 11:39 pm

Vetëvendosje: “ Qemajli Travel”, agjencion i ri turistik

Lëvizjes Vetëvendosje! në Gjilan, përmes një performancë politike-artistike “Qemajli Travel”, i kanë dërguar kryetarit Qemajl Mustafa një autobus të improvizuar dhe përuruan agjensionin e ri turistik “Qemajli Travel”, duke dashur të ironizojnë ndërhyrjet e paarsyeshme të kryetarit të komunës në secilin tender.

Më posht mund ta lexoni komunikatën e kësaj lëvizje.

Duke realizuar këtë aksion, para ardhjes afër objektit të kryetarit të komunës, ishin dalë dy policë të trafikut rrugor, duke dhënë shenja se nuk janë dalë me qëllim për t’i ndalur veturat, por për të penguar aktivistët e Lëvizjes”, thuhet në komunikatën e Lëvizjes Vetëvendosje! në Gjilan.
“Unë ju ndali juve!”, duke keqpërdorur kështu pozitën dhe autoritetin e policit. Po aty, vjen edhe polici tjetër ndërhyn, duke penguar realizimin e aksionit dhe ndarë përgjysmë parullën kryesore “QEMAJLI TRAVEL” me pllakatet simotra më të vogla si: “Ik nga posti kryetar, hap një agjension turistik”, “Rishikoje partneritetin publiko-privat, e mos u merr me ekskursione”, etj.
"Policia sapo grisi pankartat, iku nga aty. Më pas, vijnë me një gjuhë dhe sjellje brutale, dy rojet e sigurimit të Qemajl Mustafës, të cilët shtynë fizikisht aktivistët, duke i larguar me forcë dhe duke shkatërruar tërë ‘autobusin’ e improvizuar ndërkohë që bërtisnin se “ju në kohë të shkive s’kishit guxue me ba kështu”.

“Gjithmonë e kemi thënë se Mustafa nuk po sillet si kryetar i komunës, si vendimmarrës dhe politikbërës për zhvillimin e komunës, por po ndërhyn në secilin tender, në përjashtimin e shërbyesve civilë, në përcaktimin e orëve të mësimit për mësimdhënësit e rinj e të vjetër, në hartimin e listës edhe për punëtorë në ndërmarrje private pas privatizimit të ndërmarrjeve, merret vetëm me ortakët e tij në biznes, me interesat e tij personale dhe klanore në mënyrë të kundërligjshme dhe nuk e la pa u përzier edhe për ekskursione të nxënësve, duke shkelur Ligjin mbi Vetëqeverisjen komunale për tejkalim kompetencash, duke nëpërkëmbur udhëzimin administrativ të MASHT, i cili rregullon në tërësi çështjen e ekskursioneve të nxënësve – dhe duke e shkatërruar në këtë trajtë edhe imazhin e komunës së Gjilanit dhe duke dekurajuar kompanitë për parimet e shëndosha të ofertës tenderuese”, thuhet në komunikatë.

“Prandaj, ne kërkojmë nga kryetari i komunës të jap sa më shpejt dorëheqje dhe është dashur të mos kandidojë për kryetar komune për t’u pasuruar dhe rritur bizneset e tij duke shkelur ligjet dhe parimet e qeverisjes së drejtë komunale. Paramendoni se si kanë protestuar grupe nxënësish duke shkruar në pankarta “Kryetari hajn!”, “Bujar mos u ba si Qemajli!”, duke shkruar emrin e kompanisë së dëshiruar dhe se si kjo krijon mungesë besimi në institucionin e komunës! Për të gjitha këto, ne bëjmë thirrje që kryetari të shkarkohet sa më shpejt, ndërsa nga prokuroria të hetohet për të gjitha akuzat që janë ngritur për kryetarin për konflikt interesi dhe për ndërhyrje të jashtëligjshme. E pas hetimeve nëse dalin të pabaza, le të merret me agjensionin e tij më të ri “Qemajli Travel”.

Vetëvendosje: “ Qemajli Travel”, agjencion i ri turistik Qemali-travel1

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30