Komenti i të ndjerit Adem Berishes në Youtube te kënga për Diellzen dhe Ninelin

nga **Agim Gashi** Mon Oct 01, 2012 9:33 am

Rapsodi, krijuesi e atdhetari i shquar Agim Gashi me gjithë potencialin e tij intelektual e njerëzor tërë jetën e tij nuk reshti së krijuari, kënduari e vepruari për interesat madhore të kombit shqiptar në përgjithësi e popullit shqiptar të Kosovës në veçanti. Tek ai kurrë nuk gjeti vend frika as lakmia por vetëm njerëzorja e atdhedashuria. Shkroi e këndoi për gjithë virtytet e popullit të tij por edhe gjithë figurat e ndritura e vlerat e shumta kombëtare. Me vrasjen e birit të tij Ninelit 17 vjeçar nga dora gjakatare e policisë serbe dhe diegien e shtëpisë deri në themel, ai mori një goditje të rëndë të shoqëruar pastaj edhe me goditjen e kafshatën e hidhur të mërgimit. Duke përjetuar rëndë ndëshkimin e pafajësisë nga duart gjakatare, veçmas humbjen e jetëve te të rinjve e të rejave, si personifikim të tyre në këtë këngë i këndoi Ninelit dhe Diellzës, e cila tashmë është bërë simbol i dashurisë dhe pikëllimit por edhe urë lidhëse midis shumë motrave e vëllezërve shqiptar kudo në trojet e tyre etnike por edhe gjithandej Evropës e Amerikës, të cilët pa fajin e tyre humbën jetën sapo kishin filluar ta jetonin atë. Sot Agimi jeton në kushte tejet të vështira jetësore e me një gjendje të keqësuar shëndetësore bashkë me vajzën e tij Azalenë e re.

Fatkeqësisht, institucionet dhe populli tij për të cilin ai bëri shumë, nuk u gjetën në nivelin e duhur të përgjegjësisë dhe kujdesit për këtë figurë tragjike të tyre.

Unë, Adem Berisha si një pikë uji në oqean e me fuqinë time materiale dhe fizike të barabartë me atë të një strince, shpirtërisht shpreh mirënjohjen time të thellë për Agimin dhe gjithë atë që ai ka bërë gjatë jetës së tij për popullin e atdheun e dashur i cili nuk di se a do t'i sigurojë atij së paku dy metra vend që një ditë të prehet aty në qetësi.

Komenti i të ndjerit Adem Berishes në Youtube te kënga për Diellzen dhe Ninelin AdemBerisha-Diellza

Komenti i të ndjerit Adem Berishes në Youtube te kënga për Diellzen dhe Ninelin AdemBerisha-Diellza

Komenti i të ndjerit Adem Berishes në Youtube te kënga për Diellzen dhe Ninelin 182

Agim Gashi:PAFAJËSI E NDËSHKUAR

Kushtuar birit tim Ninelit, Diellzës, mbesës së mikut tim Adem Berishës dhe të gjithë atyre që u vranë ose vdiqen pafajsisht në moshat e njoma të jetës së tyre!

Sot sharkia më thirri vet
të ia dridh telat, ta lajë me lotë
nga mërgimi, kjo plagë që vret
për të kujtuar për jetë e mot.

Ninel bir or skifter mali
ty qe të kisha të mirin djal
shtatëmbëdhjetë vjeç shkjau jetën të ndali
që për jetë të jetëve s’ia bëj hallall.

Prehu i qetë bir në përjetësi
bashkë me motra e vëllezër plot
që humbën jetën qysh në fëmijëri
pa asnjë borxh atëherë dhe sot.

Merre Diellzen e i shtrëngo dorën
bashkë parajsën ju zbukuroni
babë e gjysh ju vejmë kurorën
nga parajsa ju ne na mbroni.

Ju jeni yje të përjetësisë
që shkëlqeni kurrë pa u ndalë
ndonëse viktima të çmendurisë
të mos ndaheni si pëllumba të bardhë.

Ne për juve shkruajmë poezi
rrahim telat nëpër sharkia
si dallëndyshet ju kem’ përmbi
qoftë e juaja pavdekësia.

Edhe motra e vëllezër shumë
poezi që u kanë kushtuar
mallkojnë vrastarët të bëhen shkrumb
për mizoritë që kanë treguar.

16.06.2010
Düren

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30