Krasniqi e Grabovci ia tregojnë derën njëri tjetrit

nga **Agim Gashi** Thu Oct 04, 2012 4:51 pm

Krasniqi e Grabovci ia tregojnë derën njëri tjetrit

Seanca plenare e Kuvendit të Kosovës që në fillim të punës së saj ka ngjallur debat se a duhet të hyjë në votim mocioni i partive opozitare rezoluta e pozitës apo jo. Grupi Parlamentar i PDK-së, ka kërkuar që të hidhet në votim mocioni i opozitës dhe rezoluta e propozuar dje nga koalicioni qeverisës, por me këtë nuk është pajtuar kryeparlamentari, Jakup Krasniqi i cili ka thënë se për këtë duhet të shmanget rregullorja e punës, e cila duhet të votohet me 2/3 e deputetëve.
Kryetari i GP të PDK-së, Adem Grabovci ka thënë se pas shterrimit të debatit është një mocion dhe një rezolutë dhe këto duhet të hidhen në votim.

Por kryeparlamentari, Krasniqi ka thënë se Kuvendi e ka një rregullore të punës dhe Kuvendi i përmbahet rregullores. Sipas tij, rregullorja e ka edhe një nen tjetër që mund të anashkalohet, por kjo mund të bëhet me 2/3 e votave.

Gjatë fjalimit të kryeparlamentarit, ka ndërhyrë deputeti Grabovci, por Krasniqi ka qenë i ashpër në këtë rast duke i thënë atij që në qoftë se të dojë të qëndroj ose në të kundërtën të dal nga seanca. Në këtë rast është parë edhe kryeministri i vendit, Hashim Thaçi duke ja bërë me dorë Grabovcit që të qetësohet. “Tu nejt rri s’të rrihet dil jashtë... provoje a dal jashtë a nuk dal. Unë jam ai që vendosi me rregullore, unë... unë bash unë vendosi”, ka theksuar Krasniqi.

Me shmangien e rregullores nuk janë pajtuar as partitë opozitare.

Kryetari i GP të LDK-së, Ismet Beqiri ka thënë se të respektohen procedurat dhe voton kundër shmangies së rregullores. “Ne do të votojmë kundër shmangies nga rregullorja”, ka thënë Beqiri.

Edhe kryetari i GP të Lëvizjes Vetëvendosje, Visar Ymeri ka thënë se është kundër shmangies së rregullores. “Jemi kundër që të shmanget rregullores, e kemi pasur rastin dje dhe jo të shmangim sot”, ka thënë ai.

Edhe AAK iu është bashkuar partive opozitare.

Por sërish ka marr fjalën deputeti, Grabovci i cili këtë e ka quajtur si tentim të luhet me emocionet e qytetarëve. “Unë kërkoj pas kësaj situate të krijuar dhe po shihet që këto më tepër po tentohet tëluhet me emocionet e qytetarëve se sa të debatohet. Ne kemi debatuar dhe kur të vjen koha e votimit të mocioneve luhet. Unë kërkoj një pauzë 10 minuta”, ka thënë Grabovci.

Kjo ka bërë që kryetari, Krasniqi të ja lexoj edhe njëherë rregulloren. “Mocioni përmbajtësor nëse është rezolutë i dërgohet Zyrës për Propozime dhe Parashtresa jo më vonë se 8 ditë pune para debatit në mbledhje përveç kur është një çështje urjgnete. Zyra për propozime dhe parashtresa e përkthen mocionin në gjuhën zyrtare të Kuvendit e bënë redaktimin dhe ua dërgon deputetëve jo më vonë se 5 ditë pune para debatit në mbledhje”, ka thënë Krasniqi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30