Komuna e Prishtinës ua zvogëlon pagat mësimdhënësve !

nga **Agim Gashi** Thu Oct 04, 2012 4:54 pm

Komuna e Prishtinës ua zvogëlon pagat mësimdhënësve !

Përderisa kryeministri i Kosovës po ua premton rritjen e pagave për mësimëdhënës edhë për 50%, pedagogët në disa shkolla të kryeqytetit janë shokuar, kur para tyre u janë vënë për nënshkrim kontratat e reja të punës, me pagë më të ulët prej 58 eurove. Disa nga ta nuk janë pajtuar me këtë vendim dhe se nuk e kanë nënshkruar kontratën.

MASHT thotë se kjo s’ka të bëjë asgjë me MASHT-in, pasi që një gjë e tillë është në kompetencë të Drejtorisë Komunale të Arsimit, e cila për shkak të vështirësive financiare, është detyruar t’i ulë pagat, ndërsa Halim Halimi, drejtor i Drejtoratit për Arsim në Komunën e Prishtinës, përmes telefonit i ka thënë Kosovapress-it se në bazë të udhëzimit administrativ të MASHT-it, pedagogët konsiderohen si të pakualifikuar për procesin mësimor.

Një pakënaqësi e tillë vërehej dhe në Shkollën Fillore “Gjergj Fishta”, në Prishtinë, ku nga katër mësimdhënës të kësaj shkolle me Fakultet Pedagogjik, tre e kishin nënshkruar kontratën e re me rrogë më të vogël dhe një nga ta nuk kishte pranuar ta nënshkruajë kontratë me 58 euro më pak. Pakënaqësia vërehej edhe tek të gjithë pedagogët, të cilët thonin se kjo që po iu bëhet atyre, është e padrejtë, duke kërkuar që t’u ipet mundësia për rikualifikim, pasi që një gjë e tillë po kërkohet nga Ministria e Arsimit, e jo heqje gradimi, e ulje të pagash.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30