Hetohet bashkëshortja e Dino Asanajt, kërkonte miliona për “Grandin”

nga **Agim Gashi** Wed Oct 10, 2012 2:17 pm

Hetohet bashkëshortja e Dino Asanajt, kërkonte miliona për “Grandin”

Policia duket se më në fund ka nisur hetimet nga një pikë kyçe në hetimin e vdekjes së Dino Asanajt, ish - shefit të Agjencisë Kosovare të Privatizimit (AKP). Hetimet kanë kthyer vëmendjen e dyshimit tek e veja e tij, Adelina Reçica. Sipas mediave ajo është intervistuar nga policia në cilësinë e të dyshuarës për kërkim të ryshfetit për zgjidhjen e rastit të hotelit “Grand”.
Sipas të dhënave të rastit ajo ishte pika kyçe që kërkonte para nga dy pretentët për aksionet kryesore në hotelin “Grand”, Behgjet Pacolli dhe Remzi Ejupi, të cilët po përpiqeshin që ta shpëtonin privatizimin e hotelit “Grand” nga pretendimet e AKP-së, për ta rikthyer këtë hotel në pronësi të veten. Reçica është intervistuar të hënën nga policia me urdhër të prokurorëve Paskal Persoons nga EULEX-i dhe Blerim Isufaj nga prokuroria speciale e Kosovës.
Dyshimet për Reçicën janë shfaqur pas deklarimeve të Remzi Ejupit, i cili e pat akuzuar publikisht Dino Asanajn se kishte kërkuar miliona euro për t’ia ndryshuar kahen rastit të Grandit.
Para saj është dyshuar se janë përzier sipas dëshmisë në polici të zv.kryeministrit Behgjet Pacollit, në kërkimin e parave nga Pacolli, edhe ish zv.ministri për Ekonomi, Astrit Haraçija, ndërsa ka implikuar indirekt edhe persona të tjerë. Në bazë të rrethanave të deritashme ajo dyshohet se është përfshirë si ndërmjetësuese që Dino Asanaj të mos anulonte privatizimin e “Grand”-it.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30