VIKTORIA XHAKO - DREJT PËRQAFIMIT – ESE

nga **Agim Gashi** Mon Oct 15, 2012 8:56 pm

VIKTORIA XHAKO - DREJT PËRQAFIMIT – ESE

Kishin një jetë që kërkonin njëri – tjetrin. Nëpër kujtime të mjegulluara. Nëpër ditarë fletë zhubrosur e humbur. Nëpër ëndrra të thyera. Nëpër telefona të rrallë që vërtiteshin si mullinj. Më pas në telefona me butona komodë. E më pas nëpër celularë. Nëpër horizonte realë e irealë. U gjetën. Me vite jete mbi supe. I folën hapësirës. Me zëra të paharruar. Drejt njëri – tjetrit u nisën një ditë. U ndeshën përballë, si kalimtarë të rastit. Vazhduan secili rrugën e vet. Njëherësh ndalën hapat. Kthyen kokat. U qeshën sytë. Zgjatën duart. Drejt përqafimit ecën. Përqafimit të pritur një jetë.
-Si je, vajza ime? – Dhe qeshi me të qeshurën gurgullimë që ujëvaronte një jetë në veshët e saj.
-Mirë, djali im! – U përgjegj me ndrojtje dhe sytë e kafenjtë i uli. Siç i kish ulur dikur, por tani së bashku me rrezet që i qarkonin.
Pastaj erdhi puthja. E ëndërruara. E vërteta. E panjohura. Që ngriti dallgë në dy zemra. Koha humbi. Ai dhe ajo. Si atëherë. Ai ulur në kafe bar, me gotën e birrës përpara e sytë nga dritarja. Ajo në bulevard me shoqet, me të qeshurën e saj të bukur.

Po tani, përballë njëri – tjetrit!

E hënë 11 prill 2010 ora 09:00
VIKTORIA XHAKO
(ZHORZH SAND)

VIKTORIA XHAKO - DREJT PËRQAFIMIT – ESE 541279_520759437951573_1258393129_n

VIKTORIA XHAKO - DREJT PËRQAFIMIT – ESE 541279_520759437951573_1258393129_n

Fundi nuk duket...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30