Vullnet Mato:KUPTIMET E ZHVESHJES

nga **Agim Gashi** Wed Oct 24, 2012 9:22 am

Vullnet Mato

KUPTIMET E ZHVESHJES

Zhveshja na kumton
disa nënkuptime,
që shkaktojnë reagime
të ndryshme në ndjenja.
Por më e këndshmja
mbetet në ndijime,
kënaqësia që ndjejmë,
kur na zhvishet femra.

Nuk harrohen çastet kur
zbulohen mollë e ftonj,
duke zhveshur nusen,
natën e parë në jetë
Ajo lë gjithë lëvozhgat
t’ja heqësh me thonj,
veç atyre të hollave,
që thotë:“I heq vetë!”

Zhveshja për në dush,
ndonëse bëhet shpesh,
na freskon në trup
edhe në mendime.
Nuk e pëlqen ndonjë
çamarrok pallavesh,
që e presin shokët
përjashta në lodrime.

Zhveshja për të veshur
tesha të sapoblera,
bën të ndjejmë në trup
hijeshinë e dëshiruar,
teksa heqim modelin
me të vjetrat vlera,
dhe na urojnë miqtë
modën e ndryshuar.

Kur i zhvishemi diellit
na zhduket turpi krejt,
të dalim para të tjerëve
siç na ka bërë nëna.
Dhe detit sykaltër
s’i mbajmë dot sekret,
se depërton leckat e sheh
ç’kemi fshehur brenda.

Por kemi dhe një zhveshje
të tmerrshme te njeriu,
kur nga detyra e ushtruar,
zhvishemi zyrtarisht,
dhe na lënë pa punë,
të bredhim si miu,
duke trokitur hundën,
për ndonjë ndërhyrje miqsh...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30