Belgjika kthen 51 shqiptarë, kërkuan azil politik

nga **Agim Gashi** Wed Oct 24, 2012 8:13 pm

Belgjika kthen 51 shqiptarë, kërkuan azil politik

Autoritetet belge kanë kthyer sot në Shqipëri 51 persona, që kishin kërkuar azil politik në Belgjikë. Rreth orës 14:40, në aeroportin “Nënë Tereza” ka mbërritur avioni që transportoi shqiptarët nga Belgjika.

Më pas ata, duke mbuluar fytyrën për të mos u filmuar nga kamerat, kanë hipur në një furgon policie, që i ka pritur në aeroport.

BURGAJ: RIATDHESOHEN TË GJITHË ATA QË SHKELIN VIZËN SHENGEN
Drejtori i Përgjithshëm i Policisë së Shtetit Hysni Burgaj ka përgëzuar operacionin për kthimin e qytetarëve që kanë shkelur afatin e vizës Shengen, ndërsa u shpreh se riatdhesimi i 51 shqiptarëve nga Belgjika është kryer me shpenzimet e fondit të buxhetit.

“Sot organizohet operacioni i parë i suksesshëm mes Shqipërisë dhe Belgjikës për kthimin e mbi 50 shqiptarëve me qëndrim jo të rregullt në Belgjikë. Mesazhi është i qartë, për pak persona që nuk i dinë rregullat nuk do të mbartin pasojat qytetarët e tjerë që respektojnë me përpikmëri rregullat e vendosura tashmë nga BE. Pjesa më e madhe e tyre janë nga zonat e veriut. Ne do vazhdojmë kontaktet edhe me autoritetet e vendeve të tjera”, tha Burgaj.

Burgaj tha se ata qe shkelen Shengenin do te penalizohen.
'Kushdo që shkel rregullat e qëndrimit në BE, Shengen, jo vetëm do të kthehet në vend, por do penalizohet për moslëvizje për 5 vjet. Kemi database për gjithë të kthyerit dhe përvec kthimit edhe për respektimin e sanksioneve. Qytetarët e tjerë që respektojnë rregullat nuk do mbartin pasojat e abuzuesve”- tha ai.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30