Greqi, "luftë" brenda dhe jashtë Parlamentit për masat e ashpra

nga **Agim Gashi** Thu Nov 08, 2012 12:34 am

Greqi, "luftë" brenda dhe jashtë Parlamentit për masat e ashpra

Prej orësh jane zhvilluar episode të rënda dhune jashtë Parlamentit grek, ku policia u përlesh me protestuesit. Këta të fundit qëllojnë me gurë dhe Molotov ndërsa policia është përgjigjur me gaz lotsjellës dhe ujë për t'i shpërndarë ata.

Situata doli jashtë kontrollit ndërkohë që kaos u krijua edhe brenda salles se Parlamentit. Paradite puna u nderpre 3 ore, pasi opozita kundershtonte miratimin me procedure te pershpejtuar te Memorandumit te masave. Pasdite debati u ndërpre pasi punonjësit e administratës së Parlamentit refuzonin të vazhdonin punën. Shkak është bërë një amendament i projektligjit që iu heq punonjësve të administratës publike të ardhurat shtesë. Pas situatës së krijuar ministri Stournars tërhoqi amendamentin në fjalë, me qëllim qetesimin e situates dhe funksionimin e Parlamentit deri në votimin e masave.

Votimi i sotëm konsiderohet një sprovë për qeverinë e koalicionit të Antonis Samaras, në mesin e të cilit janë vënë re tronditje të mëdha. "E Majta Demokratike" vazhdon te kundërshtoje reformën në tregut të punës, ndërkohë që zërat kundër kësaj pakete shtohen edhe në partinë socialiste, PASOK. Në koalicionin me 3 parti, ND ka 125 deputetë, PASOK ka 35 dhe DIMAR 16 deputetë.
Në PASOK Deputeti Kostas Skandalidis ka deklaruar se nuk do të votojë masat ndërsa 7 të tjerë janë në pikëpyetje. Duke llogaritur edhe 16 deputetët e DIMAR që nuk do të votojnë, mbeten 152 vota të mundshme pro masave, një kufi shumë i rrezikshëm për qeverinë greke.

Kryeministri Antonis Samaras deklaroi në Parlament se që të shpëtojë një popull, duhet të dojë ai vetë, të ketë besim dhe të jetë i bashkuar. “Ato që do votojmë sot, hapin një perspektivë të re. Sot votojmë nesë duam euron apo të kthehemi në dhrahmi. Nëse kalojmë masat do të përfundojë "dhrahmofobia", u shpreh kryeministri grek. Samaras pranoi se shkurtimet në paga dhe pnesione janë të padrejta, por të domosdoshme. Ai akuzoi SYRIZA-n si një forcë të papërgjegjshme, që shtyn vendin në kaos. Kryeministri premtoi se këto do të jenë shkurtimet e fundit dhe nëse do të duhen të ardhura shtesë, ato do rezultojnë nga eliminimi i evazionit. Në fund kryeministri bëri thirrje që gjithë deputetët të mbështesin përpjekjen dhe paralajmëroi se shpërthimi social do çojë në katastrofë. “Partitë në qeveri na kanë dhënë besimin dhe unë falenderoj PASOK, DIMAR por më shumë falenderoj popullin grek”, tha Samaras. Në përfundim ai deklaroi: “Unë dua një Greqi të sigurt, një Greqi të shpresës”.

Paketa e re e kursimit parashikon ndër të tjera, të ulë pensionet dhe pagat në shërbimin publik, të rrisë moshën e daljes në pension në 67 vjeç, largimin nga puna të 25 000 punonjësve të administratës publike deri në fund të vitit 2013 dhe të liberalizojë më tej tregun e punës.

Ndërkaq kujtojme se sot ishte dita e dytë e grevës që ka përfshirë Greqinë, ku punonjësit e sektorit publik dhe privat kanë ndërprerë punën në shenjë proteste, për miratimin e këtyre masave. (bw)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30