Arrestohet plaçkitësja e 1.5 milionë eurove të pasaportave, gjermania Natali Velija

nga **Agim Gashi** Tue Nov 13, 2012 6:53 pm

Arrestohet plaçkitësja e 1.5 milionë eurove të pasaportave, gjermania Natali Velija

Pamje nga shpërndarja e pasaportave të para biometrike

(E plotësuar)- Shtetasja gjermane, e cila është arrestuar për përvetësimin e rreth 1.4 milionë eurove, ka pësuar infarkt në zemër, dhe se ajo po vazhdon të mjekohet. Sipas burimeve shtetasja gjermane ishte e ngarkuar për një pjesë të punëve kontraktuese dhe si ndërmjetësuese firma e saj kryente përkthime dhe punë të tjera ndihmëse, por pagesa kryesore duhej ti kryhej firmës austriake, e cila ka paralajmëruar padi ndaj Qeverisë së Kosovës, për të realizuar përfitimin e saj.
Gjendja e të arrestuarës edhe sipas avokatit të saj Tomë Gashi është kritike dhe se ajo po mjekohet nga dy mjekë në prani të një prokurori të EULEX-it, përcjellë KTV.
Mjetet e përvetësuara, Natalie Velija ishte dashur t’ia transferonte ndërmarrjes austriake “Österreichische Staatsdruckerei” (OSD), e cila ka prodhuar pasaportat e Kosovës.
Ministria e Punëve të Brendshme kishte derdhur mjetet në konton e “Consulting EU Sh.p.”, për të paguar paratë për pasaportat e prodhuara nga ndërmarrja austriake “Österreichische Staatsdruckerei” (OSD).
Por, pronarja e firmës “Consulting EU Sh.p.”, Natali Velija, përfaqësuese e OSD-së në Kosovë, nuk i ka transferuar paratë në konton e kompanisë austriake. BS
Policia është duke bastisur disa lokacione në Prishtinë.
Arrestimi

Sot është arrestuar personi i dyshuar që kishte përvetësuar më shumë se 1.5 milionë euro, të destinuara për pagesën e pasaportave biometrike.

Kompania shtetërore austriake OSD do të prodhojë pasaportat biometrike për kosovarët. Kjo kompani austriake është shpallur fituese e tenderit të shpallur nga Ministria e Punëve të Brendshme për prodhimin e pasaportave biometrike të shtetit të Kosovës.
Për marrjen e pasaportës biometrike të Republikës së Kosovës, qytetari duhet të paguajë më së shumti 50 euro e më së paku 20 euro. Kështu, për marrjen e pasaportës për herë të parë, çmimi është 30 euro, për ata që e nxjerrin pasaportën e humbur apo dëmtuar, për ndërrim apo ripërtëritje të dhënave, çmimi është 35 euro. Për marrjen e pasaportës për fëmijë deri në moshën 3 vjeç çmimi është 20 euro, kurse për marrjen e pasaportës për fëmijë prej 3 deri në 18 vjeç çmimi është 25 euro.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30